Oʻgay ona

Vikipediya, ochiq ensiklopediya
(O'gay onadan yoʻnaltirildi)

Oʻgay ona — boshqa nikohdan boʻlgan bolaning onasi. Oila qonunchiligida Oʻgay ona bilan oʻgay bola oʻrtasidagi muayyan huquqiy munosabatlar koʻrsatib oʻtilgan. Oʻzbekiston Respublikasi OKga koʻra, Oʻgay onaning tarbiyasida yoki taʼminotida boʻlgan voyaga yetmagan oʻgay farzand(oʻgʻil va qiz)larning ota-onasi yoʻq boʻlsa yoxud oʻz ota-onasidan yetarli mablagʻ ololmayotgan boʻlsa, ularga taʼminot berish majburiyati Oʻgay ona zimmasiga yuklatilishi mumkin. Oʻz navbatida, oʻgay bolalar zimmasiga ham ular voyaga yetganda shunday majburiyat yuklanishi mumkin. Oʻgay onaga oʻgay farzand(oʻgʻil va qiz)dan aliment undirishni talab qilish huquqini beradigan asosli shartlarga qonun quyidagilarni kiritadi. Oʻgay onaning mehnatga layoqatsizligi (yaʼni umumiy pensiya yoshiga yetganlik yoki 1-, 2-guruh nogironligi, istisno tariqasida — 3-guruh nogironligi), shuningdek, Oʻgay onaning oʻz oʻgay oʻgʻillari yoki oʻgay qizlariga kamida besh yil tarbiya va taʼminot berganligi fakti tasdiqlangan boʻlishi kerak (Oʻzbekiston Respublikasi OKning 127-128-moddalari).