Mavlono Zayniy
Mavlono Zayniy (XV asr) – Fors-tojik tilida ijod qilgan sabzavorlik shoir. Nomi “Majolis un-nafois”ning[1] ikkinchi majlisida tilga olinadi.Alisher Navoiy uning xushtabʼ kishi ekanligini, garchi ilmsiz boʻlsa-da, sheʼri jozibadan xoli emasligini, tabʼi koʻproq gʻazal janriga moyilgini aytadi[2]. Mavlono Zayniy Mir Shohiy bilan koʻp hamsuhbat boʻlgan. “Majolis un-nafois”da uning quyidagi bayti keltirilgan:
Sanavbar to zi xizmatgoriyi sarvat judo monda,
Shuda devonavu joʻlida moʻ sar dar havo monda.
(Mazmuni: Sanavbar (daraxti) sening (qadding) xizmatkorligidan ajralganidan buyon sochi toʻzigan devonaga oʻxshab qoldi).
Mavlono Zayniy Astarobodda vafot etgan.