Mavlono Shavqiy
Mavlono Shavqiy (15–16-asr) – chechaktulik zullisonayn shoir. Nomi “Majolis un-nafois”ning uchinchi majlisida tilga olingan[1]. Alisher Navoiy uning muloyim va yoqimli yigit ekani, dimogʻidagi xastalik tufayli yaxshi qiroat qila olmasligini aytib, forsiyda bitgan bir bayti va quyidagi turkiy matlaʼsini keltiradi:
Borib ovora koʻnglum zulfing ichra mubtalo qoldi, Tarahhum qilki, mendin bordi-yu, emdi sango qoldi[2].