Mavlono Jamoliddin
Qiyofa
Mavlono Jamoliddin (XV asr) – fors-tojik tilida ijod qilgan xurosonlik shoir va mudarris, Abdurahmon Jomiyning[1] qarindoshi. Nomi “Majolis un-nafois”ning[2] toʻrtinchi majlisida tilga olinadi. Alisher Navoiy uning Jomiy madrasasida mudarris ekanligini aytib, “agar tanballigi gʻolib kelmasa edi, donishmand boʻlar edi”, deb yozadi. “Majolis un-nafois”da uning quyidagi bayti keltirilgan:
Manam on qumrii nolon zi
shavqi sarvi dil joʻyat
Ki, doram tavqi gardan
az xami qullobi abroʻyat.
(Mazmuni: Koʻngil oluvchi sarv qomating shavqidan nolagar bir qumriman, yoyma qoshing tuzogʻidan boʻynimda sirtmogʻim bor).