Salohiddin Mamajonov

Vikipediya, ochiq ensiklopediya
(Mamajonov Salohiddindan yoʻnaltirildi)
Jump to navigation Jump to search

Salohiddin Mamajonov (1931.15.12, Qoʻrgʻontepa tumani) — adabiyotshunos olim. Oʻzbekiston Fanlar akademiyasi akademik (2001). Oʻzbekistonda xizmat koʻrsatgan fan arbobi (1982), filol. fanlari doktori (1968), professor (1972). Fargʻona pedagogika institutining oʻzbek tili va adabiyoti fakultetini tugatgan (1952). Oʻzbekiston Fanlar akademiyasi Til va adabiyot institutida kichik (1958— 62), katta ilmiy xodim (1962—68), boʻlim boshligʻi ( 1 968-2000). M.ning asosiy ilmiy ishlari sheʼriyat, proza, drama, bolalar adabiyoti muammolariga qaratilgan. M. oʻzbek adabiyotining sovet davridagi tarixiga bagʻishlangan bir va koʻp jildli tadqiqrtlarning yaratilishida faol ishtirok etgan. M. Gʻafur Gʻulom ijodiga bagʻishlangan ilmiy tadqiqotlar ("Shoir va zamonaviylik", 1963; "Gʻafur Gʻulom prozasi", 1966; "Uslub jilolari", 1972), Hamid Olimjon haqidagi "Shoir du-nyosi" (1972) hamda Sharof Rashidov romanlari tahliliga bagʻishlangan "Lirik olam, epik kulam" (1979) kabi asarlar muallifi. 90-yillarda M.ning Behbudiy, Fitrat, Hamza Hakimzoda, Choʻlpon, Elbek, Botu singari adiblar ijodiga bagʻishlangan risola va makrlalari eʼlon qilingan.[1]

Manbalar[tahrir]

  1. OʻzME. Birinchi jild. Toshkent, 2000-yil