Ksilofon

Vikipediya, ochiq ensiklopediya
Jump to navigation Jump to search

Ksilofon (ksilo... va yun. phone — tovush) — urma (zarbli) musiqa cholgʻusi. Yevropada 15-asr dan maʼlum. Taxminlarga koʻra, K.ning kelib chiqishi Afrika xalqlarida keng tarqalgan marimba, malange, vilangve kabi musiqa cholgʻulari bilan bogʻliq. Hozirgi K. 1830- yillarda M. Goʻzikov tomonidan yaratilgan. 4 qator qilib (yoki klaviatura tarkibida) toʻrtburchak asosga joylashtirilgan hamda xromatik tarzda sozlangan chorqirra yogʻoch boʻlaqlaridan iborat. Diapazoni 1,5—3,5 oktana. K.ning turlari simfonik, opera va estrada orkestrlaridan keng oʻrin olgan: zavonaviy marimbaning har bir yogʻoch boʻlakchasi tagida aks sado beruvchi metall vaychalar oʻrnatilgan, tuba-fonda esa yogʻoch boʻlakchalarini oʻrnida temir vaychalari mavjud. Hozir K.dan yakkanavoz, ansambl, hamda orkestr sozi sifatida keng foydalanilmoqda.[1]

Manbalar[tahrir]

  1. OʻzME. Birinchi jild. Toshkent, 2000-yil