Hojutsu
Hojutsu - o'qotar qurollardan foydalanishga qaratilgan Yaponiyaning otishma jang san'ati.
Hojutsuda bugungi kunda ham ko'pincha "tanegashima" kabi antiqa o'qotar qurollar bilan mashq qilinadi. Jang san'ati Yaponiyada eng keng tarqalgan bo'lib, u yerda amaliyotchilar uchun tarixiy jihozlardan foydalanish osonroq. "Matsumoto qal'asi" qurol korpusi kabi guruhlar Edo davridagi o'qotar qurollarning katta to'plamlarini saqlaydi.
Qurol-yarog' guruhlari[tahrir | manbasini tahrirlash]
Qurol-yarog' guruhlari "teppo tai" (鉄砲隊) nomi bilan tanilgan. Teppo "qurol" va tai "guruh" yoki "birlik" degan ma'noni anglatadi.
So'nggi paytlarda ommaviy axborot vositalari samuraylarni faqat "katana" kabi yaqin masofa uchun mo'ljallangan jangovar qurollar bilan qurollangan jangchilar sifatida ko'rishadi.Biroq, yaponiyaliklar, shubhasiz, XVI asrga kelib o'zlarining yevropalik hamkasblariga qaraganda qurollardan samaraliroq foydalanishgan, shuningdek, aniqroq, samaraliroq, chidamliroq qurol turlarini ishlab chiqarishgan.
Samuray otliqlariga qarshi qurollar o'rnatilgan "Nagashino" jangi samuraylar tarixidagi eng mashhur va muhim janglardan biridir.
Ashigaru[tahrir | manbasini tahrirlash]
"Ashigaru" feodal Yaponiyadagi eng quyi pog'onadagi askar toifasi bo'lib, mojarolar paytida militsiya bo'linmalari sifatida tuzilgan. 1543 yilda Yaponiyaga qurollarning kelishi "ashigaru" bo'linmalarining jang maydonidagi imkoniyatlarini sezilarli darajada oshirdi. O'qotar qurollar paydo bo'lishidan oldin, bu erkaklar ko'pincha "yari" kabi changak va nayzalarni qo'llashlari yoki qilich va kamon bilan kurashishni o'rganishlari kerak edi. Taqqoslash uchun,pilikli miltiq (mushket) yoki "tanegashima" ishlatish nisbatan ancha osonroq edi. Samarali bo'lishi uchun u jismoniy kuchga yoki muntazam mashg'ulotlarga tayanmasdi. Bundan tashqari, agar kerak bo'lmasa, o'qotar qurollarni juda ko'p miqdorda zaxiralash mumkin edi. Shunday qilib, samuraylar va professional askarlar quyi sinflarni hojutsu bo'yicha o'qitganlar.
Maktablar[tahrir | manbasini tahrirlash]
- Inatomi-ryu
- Geki-ryu
- Ogino-ryu
- Tanegashima-ryu
- Tatsuke-ryu
- Seki-ryu
- Bue-ryu
- Morishige-ryu
- Yo-ryu
- Takashima-ryu