Grigoriy Bondarevskiy
| Grigoriy Lvovich Bondarevskiy | |
|---|---|
| Tavalludi |
25-yanvar 1920-yil Odessa |
| Vafoti |
7-avgust 2003-yil Moskva |
| Fuqaroligi |
 SSSR→ Rossiya |
| Sohasi | sharqshunoslik |
| Ish joylari | Oʻrta Osiyo davlat universiteti, Rossiya Fanlar akademiyasining Ijtimoiy-siyosiy tadqiqotlar instituti, SSSR Tashqi ishlar vazirligi Diplomatik akademiyasi |
| Institutlar | Moskva davlat universitetining tarix fakulteti (1940) |
Grigoriy Lvovich Bondarevskiy (1920-yil 25-yanvar, Odessa – 2003-yil 7-avgust, Moskva) – sovet va rus sharqshunosi. Tarix fanlari doktori (1965), professor (1966), Ijtimoiy fanlar akademiyasi, Xalqaro axborotlashtirish akademiyasi akademigi. Rossiya Tabiiy fanlar akademiyasining faxriy akademigi.
Hayoti[tahrir | manbasini tahrirlash]
Grigoriy Lvovich Bondarevskiy 1920-yil 25-yanvar Odessada tugʻilgan.
1940-yilda Moskva davlat universitetining tarix fakultetini tugatgan. 1941-yilda esa MDU aspiranturasida oʻqigan. 1941–1942-yillarda Pedagogika instituti tarix fakulteti dekani boʻlgan. 1942–1945-yillarda Qizil Armiyada xizmat qilgan.
1945–1951-yillarda Oʻzbekiston Tashqi ishlar xalq komissarligining siyosiy boʻlimi boshligʻi boʻlgan. Shu bilan birga, 1947–1956-yillarda Oʻrta Osiyo davlat universitetining „Sharq tarixi“ kafedrasi mudiri, 1951-yildan esa Oʻrta Osiyo davlat universiteti „Sharq fakulteti“ dekani boʻlgan boʻlgan.
1956-yildan Moskvada SSSR Fanlar akademiyasining Sharqshunoslik instituti (Osiyo xalqlari instituti) xalqaro muammolar boʻlimiga rahbarlik qilgan. 1965-yilda „XIX-XX asr boshlarida Fors koʻrfazi, Arabiston yarim oroli va Qizil dengiz uchun kurash“ mavzusida doktorlik dissertatsiyasini himoya qilgan. 1976-yildan xalqaro munosabatlar sotsiologiyasi sektori mudiri, Rossiya Fanlar akademiyasining Ijtimoiy-siyosiy tadqiqotlar instituti (ISPR) Sotsiologiya instituti maslahatchisi boʻlgan. 1976–1984-yillarda SSSR Tashqi ishlar vazirligi Diplomatik akademiyasining professori boʻlgan.
Grigoriy Lvovich Bondarevskiy 2003-yil 7-avgustda Moskvada oʻldirilgan[1]. Ayblanuvchi keyinchalik hakamlar hay’ati tomonidan oqlandi[2][3].
Ilmiy merosi[tahrir | manbasini tahrirlash]
Grigoriy Lvovich Bondarevskiy 27 ta monografiya hamda rus va xorijiy matbuotda chop etilgan 300 dan ortiq maqolalar muallifi hisoblanadi[4].
- „Bagʻdod yoʻli va nemis imperializmining Yaqin Sharqqa kirib borishi“ (1888—1903). Toshkent, 1955-yi].
- „Fors koʻrfazi havzasidagi ingliz siyosati va xalqaro munosabatlari“ (XIX asr oxiri – XX asr boshlari). M., 1968-yil.
- XIX—XX asrlarda Hind okeani va Fors koʻrfazida hukmronlik uchun kurashning xususiyatlari. M., 1985-yil.
Mukofotlari[tahrir | manbasini tahrirlash]
- RSFSRda xizmat koʻrsatgan fan arbobi (1982).
- Meerut universiteti (Hindiston) faxriy doktori.
- Javoharlal Neru nomidagi xalqaro mukofot laureati.
- Hindistonning Padma Shri mukofoti.
Manbalar[tahrir | manbasini tahrirlash]
- ↑ Спирин Ю. «Орден Белого Лотоса» // Известия. — 2003, 15 августа.
- ↑ „Присяжные оправдали обвиняемого в убийстве профессора Бондаревского“ (deadlink). Lenta.ru (2004-yil 2-fevral). 2015-yil 2-aprelda asl nusxadan arxivlangan. Qaraldi: 2014-yil 17-may.
- ↑ Как убить профессора с мировым именем // 18 сентября 2016
- ↑ „«Погиб эксперт по Северному Кавказу» Газета «Коммерсантъ», № 141/П (2744) от 11.08.2003 г.“. 2015-yil 30-mayda asl nusxadan arxivlangan. Qaraldi: 2012-yil 28-avgust.