BAKIROVA Oybarchin Abbosovna[tahrir | manbasini tahrirlash]

BAKIROVA Oybarchin Abbosovna (1950.27.6, Andijon) — Oʻzbekiston Respublikasi xalq artisti (2000). Abbos Bakirov va Qamara Burnashevalarning qizi. Toshkent davlat teatr va rassomlik sanʼati institutini tugatgan (1971). 1971— 72 y. lar Kattaqoʻrgʻon drama teatrida ishlagan. 1973-y. dan «Oʻzbekfilm» kinostudiyasining aktrisasi. Kinodagi eng yaxshi rollari: Surayyo («Orzular ogʻushida…»), vrach Valiyeva («Kasalxona»), Sarviniso («Vodillik kelin»), Xolida («Marhumga hurmat»), Gulsara («Ertangi kunga in-tilish»), Sharofat («Amirning xufiyona sayohati»), Zaynab xola («Alif Laylo»), Boyxotin («Armon») va b. Shuningdek, telefilmlar («Gulobod va Feruz», «Yoʻl boʻlsin», «Nozigim», hamda videofilmlar («Ayol zoti», «Fazliy»)da ham rollar ijro etgan. Bakirova oʻz qahramonlarining milliy xarakteri, taqdirini, ularning maʼnaviy goʻzalliklarini, ruhiy ulugʻvorligini, qaygʻu-alamlari, sevgi va vafosini, nozik his-toʻygʻularini tomoshabinga yetkazishda oʻziga xos ijro uslubi bilan ajralib turadi.

Manba

https://qomus.info/oz/encyclopedia/b/bakirova-oybarchin-abbosovna/