Foydalanuvchi:Mirtohir Mirgulamov
Mirtohir Mirg’ulomov — www.Shou-bizneS.uz (SB.uz) portali muallifi, rahbari va bosh muxarriri. Toshkent shahrida tavallud topgan. 2002 yildan buyon Shou-biznes olamida faoliyat yuritadi. Avvaliga «Navro’z» radiosida efir boshlovchisi, so’ng «Tasvir» gazetasida Shou-biznes olamini yorituvchi muxbir sifatida faoliyat yurita boshladi. 2005-2006 yillarda 30-kanalda o’zining mualliflik ko’rsatuvi bo’lmish «Shou-biznes yangiliklari» dasturida boshlovchilik vazifasini ham o’tagan. Orada qisqa muddat 30-kanalda «TAKSI» nomli ko’rsatuvda ham boshlovchilik qilgan. Undan tashqari «Yoshlar», «Sport» hamda «Toshkent» telekanallarida ham kichik dasturlarda teleboshlovchilik vazifasini o’tagan. «Baxt uchun million», «Fotima va Zuhra», «Romeo va Jul’etta», «Sug’diyona» hamda «Super kelinchak» badiiy filmlarida muxarrirlik vazifasini bajargan. Shuningdek, yuqorida tilga olib o’tilgan filmlar hamda «Jonim seni yoxud Egizaklar kinokartinasining matbuot kotibi ham bo’lgan. Aktyorlik borasida «Baxt uchun million», «Jonim seni yohud Egizaklar» hamda «Romeo va Jul’etta» badiiy filmlarida o’zini sinab ko’rgan. Xonandalardan Sogdiana, Davron Ergashev, Aziza Jonim, Anora, Zoda, Firdavs va boshqa yosh ijodkorlarga matbuot kotibi sifati ham ish yuritgan. 2007-2008 yillarda «Hamroh» radiosida «Shou-biznes.uz» nomli mualliflik radioloyihasini efir yuziga olib chiqqan.