Foydalanuvchi:Bolta Shofiy
Turna qaytdi, qanotlari pasmikan
Quri - quri qilganlari sasmikan
Holim so‘rab kelganlari rosmikan
Charx urishar boshginamda ming tuman
Orangizda yorim bormi, turnalar
Undan boshqa kimim bordir, turnalar
Necha kundir kunim chiqsa botmadi
Necha tundir tongim hargiz otmadi
Holing ne deb hech bir kimsa aytmadi
Tushda ko‘rgan ul qushginam qaytmadi
Orangizda yorim bormi, turnalar
Undan boshqa kimim bordir, turnalar
Tushda ko‘rib bo‘ldim oshiq, afsona
O‘tganmikan mendayin bir devona
Kirar bo‘lsam kirgan yerim g‘amxona
Chiqar bo‘lsam butun olam hayrona
Orangizda yorim bormi, turnalar
Undan boshqa kimim bordir, turnalar
Qayon borsam hama mandan qocharlar
Gul o‘rniga boshdan tikon socharlar
Man yo‘q yerda mandan og‘iz ocharlar
Qushmish deya yorimdan ham kecharlar
Orangizda yorim bormi, turnalar
Undan boshqa kimim bordir, turnalar
Siz bo‘ldingiz boshginamga soyabon
Siz fig‘onda, man munda qildim afg‘on
Keling munda qilaylik birga paymon
Tikonam qushdayin sursin xush davron
Orangizda yorim bormi, turnalar
Undan boshqa kimim bordir, turnalar