Dunlop shinalari
 | |
| Turi | tire manufacturer |
|---|---|
| Egasi | Goodyear Tire and Rubber Company |
| Qachon asos solingan | 1889 |
| Asoschi(lari) | Джон Данлоп |
| Mahsulot(lar)i | автомобильные шины |
Dunlop Tires - bir nechta ishlab chiqaruvchilar ya'ni Goodyear Tyre and Rubber Company, Sumitomo Rubber Industries va Continental AG tomonidan qo'llaniladigan avtomobil shinalari brendi. Brend paydo bo'lgan kompaniya 1889-yilda tashkil etilgan hisoblanadi.
Tarixi[tahrir | manbasini tahrirlash]
1888-yilda shotlandiyalik veterinar Jon Boyd Dunlop dastlab o'g'lining uch g'ildirakli velosipedi uchun yaratilgan puflanadigan shinani ixtiro qildi. U 1888-yilning dekabr oyida patent oldi, lekin 2 yildan so'ng u bekor qilindi, chunki shunga o'xshash ixtiro 1845-yilda allaqachon patentlanganligi ma'lum bo'ldi,garchi u amaliy qo'llanilishini topmagan bo'lsa ham. Biroq,Irlandiya velosiped assotsiatsiyasi uning ixtirosi bilan qiziqib qoldi va 1889-yilda ular Pneumatic Tir and Booth's Cycle Agency ni yaratdilar, unda Dunlop ulush va direktorlar kengashidan joy oldi. Kompaniyani Artur du Kros boshqargan. Tez orada kompaniya Dunlop Pneumatic Tir Company deb o'zgartirildi va uning shtab-kvartirasi Dublindan Birmingemga ko'chirildi. 1892-yilga kelib bir qator Yevropa mamlakatlari va Shimoliy Amerikada vakolatxonalar ochildi, 1893-yilda esa Avstraliyada filiali tashkil etildi [1] . 1895-yilda Dunlop kompaniyadan nafaqaga chiqdi. 1900-yilda kompaniya avtomobil shinalari ishlab chiqarishni boshladi. 1901-yilda du Cros yangi kauchuk kompaniyasi Dunlop Rubber kompaniyasiga asos soldi.Seylon va Malayziyada kauchuk plantatsiyalarini sotib oldi. Biroq, du Cros moliyaviy firibgarlikka aralashdi va 1921-yilda Dunlop Pneumatic Tyre bankrot bo'ldi.Qolgan aktivlari Dunlop Rubber tomonidan du Cros ishtirokisiz sotib olindi [2] .
1909-yilda Dunlop Kobe shahrida Yaponiyaning birinchi shinalar zavodini qurishni boshladi. Aynan shu yili Yaponiyaning Sumitomo guruhi ushbu korxonaning ulushini qo'lga kiritdi. Keyingi yillarda esa Yaponiyaning Dunlop va Sumitomo sho''ba korxonasi yaqindan hamkorlik qildi. 1963-yilda Sumitomo kompaniyaning Dunlop ulushini sotib oladi va uni Sumitomo Rubber Industries deb o'zgartirdi [3] .
Manbalar[tahrir | manbasini tahrirlash]
- ↑ „Pacific Dunlop Limited - Company Profile, Information, Business Description, History, Background Information on Pacific Dunlop Limited“ (en). Advameg, Inc.. 2022-yil 10-sentyabrda asl nusxadan arxivlangan. Qaraldi: 2022-yil 10-sentyabr.
- ↑ „Du Cros, Sir Arthur Philip, first baronet (1871–1955), industrialist“ (en). Oxford Dictionary of National Biography. 2022-yil 10-sentyabrda asl nusxadan arxivlangan. Qaraldi: 2022-yil 10-sentyabr.
- ↑ „History of Sumitomo Rubber Industries, Ltd. – FundingUniverse“ (en). International Directory of Company Histories, Vol. 5. St. James Press, 1992. 2022-yil 9-sentyabrda asl nusxadan arxivlangan. Qaraldi: 2022-yil 9-sentyabr.