Cambridge (shahar)

Vikipediya, ochiq ensiklopediya

Kembrij — Buyuk Britaniyadagi shahar. Kembrij grafligining maʼmuriy markazi. London sh.dan shimolda, Kem daryosi sohilida joylashgan. Aholisi 113 ming kishi (1990-y.lar oʻrtalari). K. qadimdan universitet shaharlaridan biri (q. Kembrij universiteti) sifatida maʼlum. Kitob nashr qilish va kitob savdosi markazlaridan. Mashinasozlik (ilmiy apparaturalar va priborlar, radioelektronika), poligrafiya, oziq-ovqat sanoati korxonalari bor. K. toʻgʻrisidagi dastlabki maʼlumotlar qoʻlyozmalarda 730 y.dan uchraydi. Meʼmoriy yodgorliklaridan cherkov (12-a.), ingliz gotikasi uslubida qurilgan universitet kollejlari, jumladan, Qirollik kolleji kapellasi (15—16-a.lar), Triniti-kollej kutubxonasi (17-a), muzey va b. bor.[1]

Manbalar[tahrir]

  1. OʻzME. Birinchi jild. Toshkent, 2000-yil