Abdullah Atalar
| Abdullah Atalar | |
|---|---|
 | |
| Tavalludi |
1954-yil 11-aprel 1954-yil 11-aprel |
| Fuqaroligi | Turkiya |
| Kasbi | Elektr elektronika muhandisi |
| Institutlar |
Stenford Universiteti 1974-80 Hewlett-Packard 1979-80 O'DTU 1980-82 Leica 1982-83 O'DTU 1983-86 Bilkent Universiteti 1986-2022-yillar |
Abdullah Atalar (1954-yil 11-aprelda Turkiyaning Gaziantep viloyatida tug’ilgan ) — turk olimi va Bilkent universiteti rektori.
1970-yilda Anqara Fan Liseyini birinchi oʻrin bilan tamomlagan Atalar oʻsha yili universitetga kirish imtihonida ham beshinchi oʻrinni egalladi[1]. Abdullah Atalar Yaqin Sharq Texnika Universitetining Elektr va elektronika muhandisligi boʻlimida bakalavr darajasini oldi. Yaqin Sharq Texnika Universitetida bo'limda birinchi oʻrinni egallashga muvaffaq boʻlgan Atalar 1976-1978-yillarda Stenford universitetining elektr va elektronika muhandisligi boʻlimida magistratura va doktorlik darajasini oldi. Atalarning doktorlik dissertatsiyasi akustik mikroskopiya haqida bo'lgan.
1980-yilgacha Stenford universitetida talabalik va talabalikdan keyingi tadqiqotlar uchun qolgan Atalar , 1979-1980-yillar orasida HPda 8 oy ishlagan. Keyinchalik Atalar Turkiyaga qaytib keldi va 1980-yilda Yaqin Sharq Texnika Universitetining Elektr va elektronika muhandisligi boʻlimiga oʻqituvchi sifatida keldi. 1981-yilda dotsent lavozimiga koʻtarilgan Atalar 1982-1983-yillarda universitetdagi ishidan tanaffus olib, Gʻarbiy Germaniyadagi Leica kompaniyasida qisqa muddat ishladi. 1983-yilda Yaqin Sharq Texnika Universitetiga qaytgan Atalar 1986-yilgacha shu universitetda oʻz faoliyatini davom ettirdi.
U 1980-1987-yillarda Aselsan kompaniyasida maslahatchi boʻlib ham ishlagan. 1986-yilda tashkil etilishi bilan Bilkent universitetiga ko'chib o'tgan Atalar, Bilkent universitetining elektr va elektronika muhandisligi boʻlimiga dotsent sifatida asos solgan va shu kafedra mudiri boʻlgan. 1990-yilda professor unvonini olgan Atalar 1995-yilgacha kafedra mudiri lavozimida ishlagan. 1995-1996-yillar oraligʻida Atalar vaqtincha Stenford universitetiga tashrif buyurib professor sifatida Ginzton Laboratoriasida ishlagan[2].
Atalar 1996-yilda Bilkent universitetiga qaytib, o‘quv ishlari bo‘yicha prorektor etib tayinlandi. 2001-yilda Bilkent Holding direktorlar kengashi aʼzosi boʻlgan Atalar 2004-yilda ushbu kompaniya raisi oʻrinbosari va ijrochi direktori lavozimiga koʻtarilgan[3]. Atalar 2004-2011-yillarda TÜBİTAK Ilmiy Kengashi aʼzosi boʻlib ishlagan[4]. Atalar 2007-yilda IEEE tomonidan stipendiyaga ega boʻlgan[5]. 2010-yil 1-mart Ali Doğramaji Bilkent universitetidagi ishini tark etgach, universitet tomonidan Oliy Taʼlim Kengashiga yangi rektor nomzodi sifatida ko'rsatildi va Oliy Ta’lim Kengashi bu taklifni maqulladi. Shu tariqa Abdullah Atalar 2010-yil 4-mart kuni Bilkent universitetiga rektor etib tayinlangan. Uning rektorlik muddati 2022-yil 24-mayda tugadi[6]. Oilali va uch farzandning otasi Abdullah Atalar ingliz va nemis tillarini biladi[7].
Manbalar[tahrir | manbasini tahrirlash]
 | Bu maqola birorta turkumga qoʻshilmagan. Iltimos, maqolaga aloqador turkumlar qoʻshib yordam qiling. (Mart 2024) |
- ↑ „Abdullah Atalar CV“. 2-noyabr 2012-yilda asl nusxadan arxivlangan. Qaraldi: 13-sentabr 2023-yil.
- ↑ „Bilkent Üniversitesi Abdullah Atalar Websitesi“. 27-dekabr 2016-yilda asl nusxadan arxivlangan. Qaraldi: 13-sentabr 2023-yil.
- ↑ „Yönetim Kurulu“. Bilkent Holding. 18-fevral 2010-yilda asl nusxadan arxivlangan. Qaraldi: 1-mart 2010-yil.
- ↑ „Tübitak Bilim Kurulu“. 17-iyun 2011-yilda asl nusxadan arxivlangan. Qaraldi: 13-sentabr 2023-yil.
- ↑ „IEEE 2007 Fellow listesi“. 4-iyul 2011-yilda asl nusxadan arxivlangan. Qaraldi: 13-sentabr 2023-yil.
- ↑ „TR / Bilkent Universitesi – Rektörlük Atamaları“. 29-iyul 2022-yilda asl nusxadan arxivlangan. Qaraldi: 27-iyul 2022-yil.
- ↑ „Abdullah Atalar CV“. 2-noyabr 2012-yilda asl nusxadan arxivlangan. Qaraldi: 13-sentabr 2023-yil.