ABN AMRO
 | |
 | |
| Turi | Ommaviy kompaniya |
|---|---|
| Tarmogʻi | Andoza:ISIC |
| Birja listingi | AABA |
| Qachon asos solingan | 1991 |
| Joylashuvi |
 Niderlandiya: Amsterdam |
| Asoschi(lari) | Dutch State |
| Direktori | Robert Svaak |
| Budjeti |
 €395,62 mlrd (2020) |
| Aylanma daromadi | ▼€7,916 mlrd (2020) |
| Operatsion foydasi | ▼€2,66 mlrd (2020) |
| Boyligi | ▼€20,989 mlrd (2020) |
| Kapitallashtirish | €4,35 mlrd (22.07.2021)[1] |
| Ishchilar soni | 19 234 (2020) |
| Vebsayti | www.abnamro.com |
ABN AMRO — Niderlandiyadagi eng yirik banklardan biridir. Uning tarixi 1824-yilga borib taqaladi, XXI asr boshlarida u ABN AMRO Holding global moliyaviy konglomeratiga aylandi; jahon moliyaviy inqirozi davrida bankrotlik yoqasiga keldi; 2010-yilda u Niderlandiyadagi bank bozorining qariyb 20 foizini egallagan va qoʻshni mamlakatlarda ham mavjud boʻlgan yangi ABN AMRO Bankga aylantirildi. Aksiyalarning nazorat paketi davlatga tegishli.
Tarixi[tahrir | manbasini tahrirlash]
ABN AMRO 1990-yil oxirida ABN va AMRO banklarining birlashishi natijasida ABN AMRO Holding N.V. nomi ostida tashkil topgan.
ABN banki (Algemene Bank Nederland) 1964-yil 3-oktabrda Twentsche Bank NV (1861 -yilda tashkil etilgan) va Nederlandsche Handelsmaatschappij (1824 -yilda tashkil etilgan) qoʻshilishi natijasida tashkil topgan. Amro Bank esa 1964-yilda 1871-yilda tashkil etilgan Amsterdamsche Bank va 1863-yilda tashkil etilgan Rotterdamsche Bankning birlashishi natijasida tashkil topgan.
2007—2008-yillardagi moliyaviy inqiroz boshlanishi bilan bankrotlik yoqasiga keldi va uni Yevropaning uchta banki, Royal Bank of Scotland Group, Fortis va Grupo Santander konsortsiumi 72 milliard yevroga sotib oldi. Niderlandiya qismi Fortis bankiga oʻtdi, ammo, tez orada uning oʻzi jiddiy muammolarni boshdan kechira boshladi va milliylashtirildi. 2010-yilda ABN AMRO biznesining Niderlandiya qismi va Fortis yangi ABN AMRO Bank nomi ostida birlashtirildi, soʻngra, uni bosqichma-bosqich xususiylashtirish boshlandi.
Bank Yevropadagi eng yirik banklar uyushmasi — ABECOR aʼzosi hisoblanadi.
Faoliyat[tahrir | manbasini tahrirlash]
Daromadning asosiy qismi sof foiz daromadiga toʻgʻri keladi, 2020-yilda 7,92 milliard yevro daromaddan sof foiz daromadi 5,86 milliard yevroni, yigʻim daromadi esa 1,56 milliardni tashkil etdi; Daromadning 6,41 milliardi Niderlandiyadan, 950 millioni boshqa Yevropa davlatlaridan, 330 millioni AQShdan, 200 millioni Osiyodan kelgan. 396 milliard yevrolik aktivlarning 252 milliardi berilgan kreditlar (shundan 146 milliardi ipoteka), qabul qilingan depozitlar esa 239 milliard yevroni tashkil etdi[2].
Asosiy boʻlimlar:
- chakana banking — Niderlandiyadagi chakana bank bozorining 19 foizini egallagan 112 ta filial tarmogʻi orqali 5 millionga yaqin mijozlarga xizmat koʻrsatadi; daromad 3 milliard yevro, aktivlar 150 milliard;
- tijorat banki — Niderlandiyada, shuningdek, Fransiya, Germaniya va Buyuk Britaniyada aylanmasi 250 million yevrogacha boʻlgan 350 ming korporativ mijozlarga xizmat koʻrsatadi; daromad 1,75 milliard yevro, aktivlari 41 milliard;
- xususiy banking — Niderlandiya, Fransiya, Germaniya va Belgiyadagi yirik xususiy mijozlarga xizmat koʻrsatish; daromad 1,43 milliard yevro, bank aktivlari 17 milliard, boshqaruv ostidagi aktivlar 190 milliard yevro, shundan 58 foizi Niderlandiyada;
- korporativ va institutsional bank — aylanmasi 250 million evrodan ortiq boʻlgan 2000 ta korporatsiya va moliya institutlariga xizmat koʻrsatish; daromadi 1,68 milliard yevro, aktivlari 63 milliard.
Eng yirik aksiyadori davlat hisoblanadi (Niderlandiya Moliya vazirligi), aksionerik kapitalining sotilmaydigan aksiyalarining toʻgʻridan-toʻgʻri 49,9 %iga va Euronext tizimining Amsterdam fond birjasida roʻyxatga olingan 6,4 % aksiyalarga egalik qiladi.
Shoʻba kompaniyalar[tahrir | manbasini tahrirlash]
2020-yil uchun ABN AMRO guruhi quyidagi asosiy tuzilmalardan iborat:
- ABN AMRO Bank N.V. (Gollandiya)
- Banque Neuflize OBC S.A. (Fransiya)
- Bethmann Bank AG (Germaniya)
- ABN AMRO Bank N.V. Branch Belgium (Belgiya)
- ABN AMRO Asset based Finance N.V., UK branch (Birlashgan Qirollik)
- ABN AMRO Bank N.V. Oslo Branch (Norvegiya)
- ABN AMRO Securities Holdings (Denmark) ApS (Daniya)
- ABN AMRO Clearing Chicago LLC (AQSh)
- Banco ABN AMRO S.A. (Braziliya)
- ABN AMRO Bank N.V. Branch Singapore (Singapur)
- ABN AMRO Bank N.V. Branch Hong Kong (Gonkong)
- ABN AMRO Clearing Tokyo Co. Ltd. (Yaponiya)
- ABN AMRO Bank N.V. Branch UAE/DIFC (BAA)
- ABN AMRO Clearing Sydney Pty Ltd. (Avstraliya)
Manbalar[tahrir | manbasini tahrirlash]
- ↑ „ABNd.AS - ABN Amro Bank NV Profile“ (en). Reuters. 2021-yil 13-iyulda asl nusxadan arxivlangan. Qaraldi: 2021-yil 22-iyul.
- ↑ „Annual Report 2020“ (en). ABN AMRO Bank N.V.. 2021-yil 20-aprelda asl nusxadan arxivlangan. Qaraldi: 2021-yil 22-iyul.