Yalang jabralilar
(Yalangʻoch Jabralilardan yoʻnaltirildi)
Yalang jabralilar, yalangʻoch jabralilar — orqa jabrali mollyuskalar turkumi. Chigʻanogʻi va mantiya boʻshligʻi yoʻqolib, ikkilamchi jabralari rivojlangan (nomi shundan). Uzunligi 20 sm gacha. Tanasi va jabralari qizil tusda. Planktondagi lichinkasi chigʻanogʻini metamorfozdan soʻng tashlab yuboradi. 200 ga yaqin turi dengizlarda tarqalgan. Shilimshiq modda bilan qoplangan tuxumlarini ipga tizib qoʻyadi. Yirtqich boʻshliqichlilar bilan oziqlanganida boʻshliqichlilar tanasidagi otuvchi hujayralari hazm boʻlmasdan Yalang jabralilarning hazm qilish sistemasi orqali uning orqa tomoniga oʻtadi va himoya funksiyasini bajara boshlaydi. Suv tubida, balchiqda, baʼzan planktonda yashaydi.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |