Taiti

Vikipediya, ochiq ensiklopediya

TaitiTinch okeandagi vulkan oroli. Jamiyat orollari guruhidagi eng katta orol. Maydoni 1042 km². Tor boʻyin (2 km) orqali tutashgan ikkita togʻ massividan iborat. Asosan, bazalt jinslardan tuzilgan. Eng baland joyi 2241 m (Oroxena togʻi). Marjon riflari bilan oʻralgan. Sernam tropik oʻrmonlar bilan qoplangan. Aholi tropik dehqonchilik, baliq ovlash, marvarid yigʻish bilan shugʻullanadi. Turizm rivojlangan. Yirik shahri va porti — Papaete.