Mejdu kushanami i arabami

Mejdu kushanami i arabami
Asl nomi	ruscha: Между кушанами и арабами: архитектура Средней Азии V—VIII вв.
Muallif(lar)	Sergey Xmelnitskiy
Mamlakat	Germaniya; Latviya
Til	ruscha
Janr(lar)i	ilmiy nashr
Nashr etilgan sanasi	2000-yil
Nashriyot	Gamajun
Sahifalar soni	290
ISBN	ISBN 9984-599-04-3

Mejdu kushanami i arabami, toʻliq nomi Mejdu kushanami i arabami: arxitektura Sredney Azii V—VIII vv. (ruscha: Между кушанами и арабами: архитектура Средней Азии V—VIII вв.) — Sergey Xmelnitskiyning Oʻrta Osiyo meʼmorchiligi tarixiga atab yozilgan monografik kitoblaridan birinchisi. 2000-yil Berlin va Riga shaharlarida „Gamajun“ nashriyotida qattiq jildda chop etilgan.

Kitobda Oʻrta Osiyoga islomning kirib kelishigacha boʻlgan ilk oʻrta asrlardagi meʼmorchilik tarixi toʻgʻrisida soʻz boradi. Unda muallif Panjikentdagi „ibodatxonalar“ („храмы“; ammo aslida — jamoat binolari) deb nomlangan yangi atributni ilmiy asoslaydi; ilk oʻrta asr qalʼalarining — koʻshklarning tasnifini beradi; taniqli Oʻrta Osiyo inshootlarini yangi rekonstruksiyasini taklif etadi^[1].

Kitobda monografiya mavzusi qamrab olgan davrga oid shaharsozlik, qurilish materiallari va konstruksiyalari, rejalashtirish, kompozitsiyalash va ichki tuzilish texnikasi, koʻshklar, qalʼalar, turar-joy binolari, saroylar, jamoat binolari, memorial binolar va kult meʼmorchiligi aniq misollar bilan yoritib berilgan^[1].

Kitobni nashrga tayyorlashda quyidagi shaxslar ishtirok etishgan: R. Muradov — muharrir, V. Reshetov – rasmlari muharriri, O. Libedenets – layout operatori^[1].