Lola Zunnunova

Lola Zunnunova
Tavalludi	29, Iyun, 1984 Termiz, O'zbekiston
Fuqaroligi	O'zbekiston
Kasbi	Jurnalist, Kinotanqidchi, Sanʼatshunos, Produser
Faoliyat yillari	2002-hozir
Millati	O'zbek
Dini	Islom
Turmush oʻrtogʻi	Farhod Zayniyev
Otasi	Zokirjon Zunnunov
Mukofotlari	Yiling eng yaxshi teleboshlovchisi (M&TVA 2007)

Lola Zunnunova – jurnalist, teleboshlovchi, sanʼatshunos, kinotanqidchi, produser 1984-yil 29-iyunda Termiz shahrida tugʻilgan. U Yoshlar telekanalida efirga uzatilgan „Kinomaniya“ koʻrsatuvi orqali shuhrat qozongan.

Taʼlim

Lola Zunnunova 2005-yilda Toshkent Davlat Sanʼat Institutining „Sanʼatshunoslik“ fakultetini imtiyozli tamomlaydi. Shundan soʻng, 2005—2008-yillarda Oʻzbekiston Jahon Tillari Universitetining „Xalqaro Jurnalistika“ fakultetida oʻqishni davom ettiradi.

Mukofotlari

Lola Zunnunova 2007-yilda „M&TVA Award“ taqdimotining „Yilning eng yaxshi teleboshlovchisi“ nominatsiyasi gʻolibi. 2019-yilda esa „Eng ulugʻ, Eng Aziz“ Respublika tanlovida gʻolib boʻladi.

Faoliyati

Lola Zunnunova dastlab 2002-yildan 2007-yilga qadar „Oʻzbekiston“ telekanalida, 2007-yildan 2019-yilga qadar „Yoshlar“ telekanalida hamda 2019—2021-yillarda „MilliyTV“ telekanallarida faoliyat olib boradi. Faoliyati davomida, Lola Zunnunova „Munavvar tong“, „Kinoafisha“, „Cinema.uz“, „Cinemaniya“, „Kinomaniya“, „Yoʻl-yoʻlakay“, „Qizlar davrasi“, „Dugonalar“, „Liboslar jilosi“, „Yosh kitobxon“, „Yangi kun“, „Kinoqahramon“ va „Bu kino…“ kabi koʻrsatuvlarni efirga taqdim qilgan. 2019-yilning yanvar oyidan boshlab „MilliyTV“ kanalida Bosh muharrir lavozimida, 2021-yilning avgust oyida esa kanalning Bosh direktori lavozimida faoliyat yuritdi.