Lazzat Tanisbay
| Lazzat Muratqizi Tanisbay | |
|---|---|
| qozoqcha: Ләззат Мұратқызы Танысбай | |
 | |
| Tavalludi |
1973-yil 11-oktabr Sharqiy Qozogʻiston viloyati, Urjar qishlogʻi |
| Fuqaroligi |
 Qozogʻiston |
| Kasbi | Jurnalist |
| Mukofotlari | Hurmat ordeni |
Lazzat Muratqizi Tanisbay (1973-yil 11-oktabrda tugʻilgan, Sharqiy Qozogʻiston viloyati, Urjar qishlogʻi) — jurnalist, „Qozogʻiston“ RTRK OAJ boshqaruvi raisi. Qozogʻiston Jurnalistlar uyushmasi mukofoti laureati, „Hurmat“ ordeni (2010), Qozogʻistonda xizmat koʻrsatgan xodim (2015).
Biografiyasi[tahrir | manbasini tahrirlash]
Olmaota xalqaro jurnalistika institutini bitirgan. Xalqaro biznes universitetining MBA darajasin himoya qilgan (dissertatsiya mavzusi: „Hozirgi Qozogʻiston sharoitida telekanalning moliyaviy samaradorligini oshirish yoʻllari“).
Qozoq, rus, turk va ingliz tillarini biladi.
Mehnat yoʻlin 1993-yilii Qozogʻiston Respublika teleradiokorporatsiyasida muharrir sifatida boshladi, soʻngra muxbir va teleboshlovchi boʻlib ishlagan. „Xabar“ agentligi tashkil topganidan beri (1996—2002-yillar) axborot xizmati muharriri, boshlovchisi va ijrochi prodyuseri boʻlib ishlagan.
2002-yili davlat xizmatiga oʻtdi. Qozogʻiston Respublikasi Prezidenti Administratsiyasi matbuot xizmatida bosh ekspert, sektor mudiri, bosh inspektor lavozimlarida ishlagan.
2005-yil sentabr oyidan boshlab 2008-yilgacha Qozogʻiston Respublikasi Madaniyat, axborot va sport vazirligi Axborot va arxiv qoʻmitasi raisining oʻrinbosari boʻlgan.
2008-yilning oktabrdan boshlab 2011-yilning noyabrigacha Qozogʻiston teleradiokorporatsiyasi AJ boshqaruvi raisining birinchi oʻrinbosari lavozimida ishlagan. Mamlakatdagi birinchi bolalar kanali „Balapan“ ochilishida ishtirok etdi.
2011-yili Qozogʻiston Respublikasi Axborot va kommunikatsiyalar vaziri oʻrinbosari lavozimiga tayinlangan. 2012-yil fevralida „Ostona“ telekanalining bosh direktori etib tayinlangan. 2018-yil 5-iyuldan bir vaqtning oʻzida „NUR-Media“ xoldingini boshqargan. 2019-yil 8-apreldan boshlab „Qozogʻiston“ RTRK AJ boshqaruvi raisi etib tayinlangan.
Mukofotlar[tahrir | manbasini tahrirlash]
- Qozogʻiston Jurnalistlar uyushmasi mukofoti sovrindori
- „Hurmet“ ordeni laureati (2010)
- Qozogʻistonda xizmat koʻrsatgan xodim (2015)[1]
- „Matbuot va axborotni rivojlantirishdagi xizmatlari uchun“ Faxriy medali (2016-yil 19-may, MDH Parlamentlararo Assambleyasi) — Mustaqil Davlatlar Hamdoʻstligida ishtirok etuvchi davlatlarning umumiy axborot makonini shakllantirish va rivojlantirishga qoʻshgan katta hissasi uchun, matbuot va axborot sohasida hamkorlik gʻoyalarini amalga oshirishga[2]
Manbalar[tahrir | manbasini tahrirlash]
- ↑ Rasporyajenie Prezidenta Respubliki Kazaxstan № 246 ot 25-iyunya 2018 goda „O prisujdenii premiy, vruchenii grantov i obʼyavlenii Blagodarnosti Prezidenta Respubliki Kazaxstan v oblasti sredstv massovoy informatsii“
- ↑ „Постановление Совета Межпарламентской Ассамблеи государств — участников Содружества Независимых Государств от 19 мая 2016 года № 22 «О награждении почётными знаками Межпарламентской Ассамблеи государств — участников Содружества Независимых Государств «За заслуги в развитии культуры и искусства», «За заслуги в развитии печати и информации», «За заслуги в развитии физической культуры, спорта и туризма»“ (pdf). 20-iyun 2017-yilda asl nusxadan arxivlangan. Qaraldi: 3-avgust 2019-yil.
Havolalar[tahrir | manbasini tahrirlash]
- Lazzat Tanisbay „Qozogʻiston“ RTRK" OAJ boshqaruvi rahbari etib tayinlandi (Wayback Machine saytida 17-aprel 2019-yil sanasida arxivlangan) 2019-yil 17-aprel.