Lagos (Nigeriya)

Vikipediya, ochiq ensiklopediya

Lagos — Nigeriyadagi shahar. Lagos shtatining maʼmuriy markazi. Atlantika okeanining Gvineya qoʻltigʻidagi Benin qoʻltigʻi sohili va unga yondosh orollarda joylashgan. Aholisi 1,5 mln. kishi (1990-y.lar oxirlari). L. mamlakatning yirik siyosiy, iqtisodiy va maʼmuriy markazi. Mamlakatning eng muhim porti. Aeroporti xalqaro ahamiyatga ega. 15-a. oxirida hozirgi L. oʻrniga portugallar kelib oʻrnashgan. 1861 y.da ingliz mustamlakachilari egallagan. 1914—60 y.larda ingliz mustamlakasi boʻlgan Nigeriyaning maʼmuriy markazi. 1960—92 y.larda Nigeriya poytaxti. Mamlakat sanoatining 1/2 kismi L.da toʻplangan. Oziq-ovqat, toʻqimachilik, metallsozlik va b. sanoat korxonalari, radioapparaturalar z-di, kemasozlik va kema verfi, universitet (1862), milliy muzey, kutubxona bor.[1]

Manbalar[tahrir]

  1. OʻzME. Birinchi jild. Toshkent, 2000-yil