Gavana
Gavana La Habana | |
|---|---|
| Poytaxt shahar | |
 | |
 Bayroq  Gerb | |
| 23°8′12″N 82°21′32″W / 23.13667°N 82.35889°W G OKoordinatalari: 23°8′12″N 82°21′32″W / 23.13667°N 82.35889°W G O | |
| Mamlakat | Kuba |
| Provinsiya | La Habana |
| Hukumat | |
| • Mayor | Marta Hernández |
| Asos solingan | 1592 |
| Qachondan beri poytaxt shahar | 1902 |
| Maydon | 728.26 km2 (281.18 mi²) |
| Aholisi (2012) |
2,106,146[1] |
| Zichligi | 2,892.0 kishi/km2 |
|
| |
Gavana yoki Havana (ispancha: La Habana) – Kubaning poytaxti hamda La Habana provinsiyasining maʼmuriy, muhim iqtisodiy, siyosiy va madaniy markazi.[2] Ushbu shahar Kuba orolining shimoli-gʻarbida, Meksika qoʻltigʻi sohilida joylashgan. Gavana shahar atrofi bilan Katta Gavanani tashkil qiladi. Aholisi esa 2.1 million kishi (2012) ni tashkil etadi.[1][3]
Tarixi[tahrir | manbasini tahrirlash]
Gavanaga 1515-yilda asos solingan. 1592-yildan shahar va Ispaniya gubernatorining qarorgohi. 16-asr oxiridan Gavana Ispaniyaning Antil orollaridagi eng katta porti boʻlib kelmoqda. 1762-yilda Gavanani va butun Kubani inglizlar bosib oldi. 1763-yilda yana ispanlar qoʻliga oʻtdi. 18—19-asrlarda Gavana Antil orollaridagi qullar bozorining yirik markazi boʻldi. 1902-yildan Kuba Respublikasi poytaxti deb eʼlon qilindi.
Transporti[tahrir | manbasini tahrirlash]
Gavana mamlakatning eng yirik transport yoʻllari tuguni. Gavana porti orqali Kubaning 3/5 importi va 1/4 eksporti oʻtadi. Shahar asosiy temir yoʻl magistrali va mamlakatni gʻarbdan sharqqa kesib oʻtadigan bosh avtostrada ustida joylashgan. Janubi-gʻarbiy chekkasida José Martí xalqaro aeroporti joylashgan. Gavana mamlakat sanoat mahsulotining qariyb yarmini beradi. Korxonalarning koʻpchiligi esa shahar chetida joylashgan. Toʻqimachilik va oziq-ovqat sanoati koʻproq rivojlangan. Tikuvchilik, metallsozlik, kema remonti, kimyo sanoati korxonalari ham mavjud. Poʻlat quyish, avtoremont, neftni qayta ishlash va b. zavodlar mavjud. Yirik binolari: Milliy kapitoliy, "Gavana Libre" va "Gavana Rivyera" mehmonxonalari. Shuningdek, Gavanadel-Este turar joy rayoni qurilgan.
Gavanada universitet (1728), Fanlar akademiyasi (1962), texnika, qishloq xoʻjaligi, iqdisod, pedagogika institutlari, kutubxonalar, teatrlar bor.
Ahamiyatli kishilar[tahrir | manbasini tahrirlash]
Manbalar[tahrir | manbasini tahrirlash]
- ↑ 1,0 1,1 „2012 Official Census“. 2016-yil 25-martda asl nusxadan arxivlangan. Qaraldi: 2020-yil 11-fevral. (Wayback Machine saytida 2016-03-25 sanasida arxivlangan)
- ↑ „CIA World Fact Book“. CIA World factbook. 2016-yil 10-fevralda asl nusxadan arxivlangan. Qaraldi: 28-noyabr 2011-yil. (Wayback Machine saytida 2016-02-10 sanasida arxivlangan)
- ↑ Inglizcha Latin America Population – Havana city population.
Adabiyotlar[tahrir | manbasini tahrirlash]
- OʻzME. Birinchi jild. Toshkent, 2000-yil
Havolalar[tahrir | manbasini tahrirlash]
- Rasmiy turizm vebsayti (Wayback Machine saytida 2017-01-08 sanasida arxivlangan)