Fathulla Masudov
| Fathulla Masudov | |
|---|---|
| Tavalludi |
16-may 1963-yil |
| Vafoti |
30-avgust 2020-yil (57 yoshda) Toshkent, Oʻzbekiston |
| Kasbi | Aktyor |
| Mukofotlari |
   |
Fathulla Masudov – oʻzbek teatr vа kino aktyori, Oʻzbekistonda xizmat koʻrsatgan artist, “Shuhrat” medali, "Mehnat shuhrati" ordeni sovrindori.
Tarjimai hol[tahrir | manbasini tahrirlash]
Fatxulla Masudov 1963-yil 16-mayda Toshkent shahrida tugʻilgan.[1] Aktyorning otasi pedagog sifatida, onasi esa farmasevtika sohasida faoliyat yuritgan. U oilada toʻrt aka-ukaning eng kattasi hisoblanadi. Oʻrta maktabni tugatgach, Ostrovskiy nomidagi Toshkent davlat teatr va rassomchilik institutiga oʻqishga kirdi. Ushbu dargohni1984-yilda tugatgan. 1985-yildan 1986-yilgacha u Ukrainada harbiy xizmatni oʻtagan.[2] Aktyor oʻz faoliyatini 1986-yilda Oʻzbek milliy akademik drama teatrida rejissor yordamchisi sifatida boshlagan. Keyinroq u1988-yildan bu teatrda aktyor sifatida oʻz faoliyatini davom ettirgan.[3] Masudov 2015-2020-yillarda Oʻzbek Milliy akademik drama teatri direktori lavozimida ishlagan.
Fathulla Masudov aktyorlik faoliyati davomida hozirgacha koʻplab spektakllar va oʻndan oshiq filmlarda ishtirok etgan. Bundan tashqari bu aktyor dublaj sohasida 500 ga yaqin filmlardagi qahramonlariga ham ovoz bergan.[4] Uning “Choʻqintirgan ota”, “Devdas”, “Gajini” kabi jahon filmlari qahramonlariga bergan ovozi tomoshabinlar qalbidan oʻrin olgan edi. “Shaytanat” serialidagi Anvar obraziga Fathulla Masudov katta mahorat bilan ovoz bergan, bu obrazni uning ovozisiz tasavvur etish nihoyatda qiyin.
Ushbu aktyor oʻzining aktyorlik faoliyati davomida "Oʻzbekistonda xizmat koʻrsatgan artist" unvoni, “Shuhrat” medali va "Mehnat shuhrati" ordenlari bilan taqdirlangan.
Fathulla Masudov 1988-yilda Oʻzbekiston xalq artisti Lutfulla Sa’dullayev va aktrisa Gulchehra Sa’dullayevalarning Gulira’no ismli qiziga uylangan. Hozirgi kunda ularning ikki oʻgʻil va bir qiz farzandlari bor.
Fathulla Masudov 2020-yilda Toshkentda koronavirusdan vafot etgan.[5][6]
Filmografiyasi[tahrir | manbasini tahrirlash]
Quyida Fathulla Masudov surarga tushgan filmlarning xronologik tartibda roʻyxati keltirilgan.[7]
- 1990-yil — Tangalik bolalar
- 1998-yil — Yagona xotira
- 1998-yil — Kichkina tabib
- 2003-yil — Dard
- 2004-yil — Dada
- 2005-yil — Alvido
- 2007-yil — Zumrad vа Qimmat
- 2007-yil — Kichkina odamlar
- 2010-yil — Meros dirijyor
- 2010-yil — Sarob
- 2011-yil — Vatanparvarlar
- 2012-yil — Qovun
- 2012-yil — Sardor-3
- 2012-yil — Sovchilar
- 2013-yil — Oʻkinch
- 2014-yil — Sehrli qalpoq-2
- 2014-yil — Avtobus bekatidagi odam
- 2015-yil — Farhod vа Shirin
- 2016-yil — Kulba
- 2017-yil — Nazira
- 2020-yil — Parokanda
Filmdagi dublyajlari[tahrir | manbasini tahrirlash]
- Choʻqintirgan ota - Karlo Rizzi
- Devdas - Devdas
- Ghajini - Sanjay Singhanya
- Baykerlar 3 - Sakhir vа Samar Xonlar
- Tangri yaratgan juftlik - Surinder “Suri” Sahni / Raj Kapur
- Shaytanat - Anvar
Mukofotlar[tahrir | manbasini tahrirlash]
- 1999-yil — “Shuhrat” medali bilan taqdirlangan.
- 2003-yil — Oʻzbekiston Respublikasida xizmat koʻrsatgan artist unvoni
- 2014-yil — “Mehnat shuhrat” ordeni.
- 2020-yil — Madaniyat vа san’at fidokori unvoni
Manbalar[tahrir | manbasini tahrirlash]
- ↑ Fathulla Masudov haqida savol-javob.com
- ↑ Fathulla Masudov Biografiyasinozim-studio.com
- ↑ МАСУДОВ ФАТХУЛЛА ЎЗБЕКИСТОНДА ХИЗМАТ КЎРСАТГАН АРТИСТ (Wayback Machine saytida 2022-01-07 sanasida arxivlangan) milliyteatr.uz
- ↑ Fathulla Masudov haqida uzsmart.uz
- ↑ Скончался заслуженный артист Узбекистана Фатхулла Масудов. Он стал очередной жертвой коронавирусаkun.uz
- ↑ Fathulla Ma’sudov vafot etdiqalampir.uz
- ↑ Fathulla Ma'sudov haqida (Wayback Machine saytida 2022-01-07 sanasida arxivlangan)buluteka.com
Havolalar[tahrir | manbasini tahrirlash]
- Oʻzbek Milliy akademik drama teatri direktori koronavirusdan vafot etdi rus.ozodlik.org
- Oʻzbekistonda xizmat koʻrsatgan artist Fatxulla Ma’sudov koronavirusdan vafot etdi asiaplustj.info