Farid Xabibulin

Farid Xabibulin
Shaxsiy maʼlumot
Toʻliq ismi	Farid Xabibulin
Tavallud sanasi	8-noyabr 1967-yil (56 yosh)
Tavallud joyi	Toshkent viloyati Oʻzbekiston SSR SSSR
Boʻyi	182 cm (5 ft 11 1⁄2 in)
Ampluasi	Hujumchi
Klub maʼlumoti
Joriy klub	Faoliyatini yakunlgan
Raqami	15
Yoshligida aʼzo boʻlgan klublar
	Sohibkor
Professional faoliyati*
Yillar	Jamoa
1989-1991	Sohibkor
1991	Chirchiq
1992	Kosonsoy
1993—1995	Navbahor
1996—2001	Doʻstlik
2002	Qizilqum
2003	Metallurg
2003—2004	Andijon
2004	Soʻgʻdiyona
2005—2006	Kimyogar Chirchiq
2006	Dinamo
2007	Shayxontohur
2007	Shoʻrchi-Lochin (futbol klubi)
Milliy terma jamoa
1996—1997	Oʻzbekiston
	*Professional klublardagi gollari (ichki chempionat); (2008.01.01 uchun)

Farid Xabibulin (1967-yil 8-noyabr, Toshkent viloyati) — sovet va oʻzbek futbolchisi, yarim himoyachi va hujumchi. Oʻzbekiston terma jamoasida oʻynagan.

Futbolchilik faoliyati[tahrir | manbasini tahrirlash]

Sovet davrida u ikki mavsum ustalar musobaqasida qatnashib, quyi ligada „Sohibkor“ (Xalqobod) va „Chirchiq“ jamoalarida toʻp surgan. 1991-yilda „Chirchiq“ tarkibida ikkinchi quyi ligada 23 ta gol urgan.

1992-yildan Oʻzbekiston chempionatida qatnashib keladi. SSSR parchalanganidan keyingi ilk mavsumni „Kosonsaychi“ klubida oʻtkazdi. 1993-yilda u „Navbahor“ga (Namangan) koʻchib oʻtdi va u bilan bir necha bor chempionatning bronza medali sovrindori, shuningdek, bir marta Oʻzbekiston kubogi sohibi va finalchisiga aylandi. 1996-yilda Toshkent viloyatidan „Doʻstlikka“ koʻchib oʻtgan va uning tarkibida olti yil oʻynab, 170ta oʻyin oʻtkazib, 76ta gol urgan. „Doʻstlik“ tarkibida — ikki karra chempion va mamlakat kubogi sohibi. „Navbahor“ va „Doʻstlik“da oʻynab, bir mavsumda 6 martadan 10 tadan ortiq gol urgan, eng yaxshi natija 1997-yilgi mavsumda 17 ta gol boʻlgan.

2002-yilda „Qizilqum“ (Zarafshon) jamoasida oʻynab, Oʻzbekiston chempionatining bronza medali sovrindori boʻldi. Keyin oliy ligada „Metallurg“ (Bekobod), „Andijon“, „Soʻgʻdiyona“ (Jizzax), „Samarqand-Dinamo“ jamoalarida toʻp surgan. Faoliyati yakunida birinchi ligada „Kimyogar“ (Chirchiq), „Shayhontohur“, „SHoʻrchi-Lochin“ jamoalarida ham toʻp surgan. U 40 yoshida faoliyatini yakunlagan.

Oʻzbekiston oliy ligasida jami 130 ta gol urgan (boshqa maʼlumotlarga koʻra — 131). Gennadiy Krasnitskiy klub uchun 145 ta gol urgan.

U 1996-yilning 11-sentabr kuni Yaponiya terma jamoasiga qarshi oʻrtoqlik uchrashuvida Oʻzbekiston milliy terma jamoasida debyut qilgan. Umuman olganda, 1996—1997-yillarda u terma jamoada ikkita oʻyin oʻtkazgan, ikkalasida ham zaxiradan maydonga tushgan.

U faxriylar musobaqalarida qatnashdi, eng yaxshi hujumchi deb topildi.^[1]

Yutuqlar[tahrir | manbasini tahrirlash]

Oʻzbekiston chempioni : 1999, 2000
Oʻzbekiston chempionatining bronza medali sovrindori: 1993, 1994, 1995, 2002
Oʻzbekiston kubogi sohibi: 1995, 2000
Oʻzbekiston kubogi finalchisi: 1993-yil
Gennadiy Krasnitskiy klubi aʼzosi: 145 gol

Shaxsiy hayoti[tahrir | manbasini tahrirlash]

Bir oʻgʻil, bir qizi bor.

Manbalar[tahrir | manbasini tahrirlash]

↑ „В Шымкенте прошел турнир «Крылья памяти» в память о команде «Пахтакор», погибшей в авиакатастрофе 30 лет назад“. 28-sentabr 2022-yilda asl nusxadan arxivlangan. Qaraldi: 28-sentabr 2022-yil.

Havolalar[tahrir | manbasini tahrirlash]

Footballfacts.ru saytidagi profil
Farid Xabibulin at National-Football-Teams.com
Faoliyatida yuzdan ortik gol urgan, hozir oʻzbek futboliga umuman qiziqmai qoʻygan Farid Khabibulin bilan suhbat

[1] „В Шымкенте прошел турнир «Крылья памяти» в память о команде «Пахтакор», погибшей в авиакатастрофе 30 лет назад“. 28-sentabr 2022-yilda asl nusxadan arxivlangan. Qaraldi: 28-sentabr 2022-yil.

[1]