Bryan Adams

Vikipediya, ochiq ensiklopediya
Bryan Adams
Bryan Guy Adams
Foto
Tavalludi sanasi: 5-noyabr, 1959 (1959-11-05)
(54 yoshda)
Tavalludi joyi: Kingston, Kanada
Janr: Arena Rock, Soft rock, Hard Rock, Album Oriented Rock, Pop Rock.
http://www.bryanadams.com/

Bryan Adams (1959-yil 5-noyabrda Kingston, Kanadada tavallud topgan) - Kanada rok qo'shiqchi-yozuvchi, musiqachi, gitarist va suratchisi. U shou biznesdagi karyerasini 1976-yilda rok guruhi tarkibida boshlaydi. Uning ilk albomi 1980-yilda sotuvga chiqariladi. Bryan Adams filmlar uchun yozgan qo'shiqlari uchun 3 marotaba Academy Awards nomzodi bo'lgan.

Shaxsiy hayoti[tahrir]

Bryan Adams Kanadaning Kingston shahrida ingliz oilasida dunyoga kelgan. Uning otasi diplomat bo'lgani sababli, oila ko'plab davlatlarda: Angliya, Isroil, Fransiya, Portugaliya va Avstriya da bo'ladi. Adamslar oilasi Vankuverda qolganlarida Bryan o'zining musiqa karyerasini boshlaydi. Bu paytda u 15 yoshda edi.

Hozirda Bryan Angliyada yashamoqda. Ilgari u Fransiyada istiqomat qilardi va fransuzchada so'zlashardi. Bryan, shuningdek, "Chelsi" futbol jamoasini qo'llab-quvvatlaydi. Uning «18 Til I Die» nomli albomidagi «We’re Gonna Win» qo'shig'i ham shu jamoa haqidadir.

Vankuverda Bryan «The Warehouse Studio» deb nomlangan o'z ovoz yozish studiyasini ochadi.

Erishilgan yutuqlar[tahrir]

Bryan Adamsning «(Everything I Do) I Do It for You» nomli musiqiy kompozitsiyasi "Robin Gud: O'g'rilar shahzodasi" filmida, «All for Love» - "Uch mushketyorlar" filmida, «Have You Ever Really Loved a Woman?» - "Don juan de Marko" filmida soundtrek sifatida ishlatilgan. Bu qo'shiqlarning barchasi AQSH hit-paradlarining yuqori o'rinlarini egallagan. «(Everything I Do) I Do It for You» qo'shig'i esa Angliya hit-paradlarida 16 hafta turib, hozirgi kungacha zabt etilmagan rekord o'rnatgan. Umuman olganda, Bryan Adamsning qo'shiqlari 42 ta badiiy filmlarda yangragan.

1990-yilning ikkinchi yarmida Adamsning mashhurlik ko'rsatkichi biroz pasayadi. O'sha yillarda yozilgan Bryanning asosiy hit qo'shiqlari boshqa qo'shiqchilar bilan birga ijro etilgan edi: Barbra Streisand («I Finally Found Someone»), Spice Girls guruhidagi Melanie C («When You’re Gone»), Chicane («Don’t Give Up»).

2002-yilda Adams Andrey Konchalobskiyning "Telbalar uyi" nomli filmida o'ziga yaqin bo'lgan inson rolini o'ynadi.