Boston marafoni portlashlari

Vikipediya, ochiq ensiklopediya
Portlashlar natijasi
Portlashlar xaritasi

Boston marafoni portlashlari 2013-yil 15-aprelida Boston shahrida oʻtkazilayotgan marafonga boʻlgan terror xuruji edi. Marra chizigʻi yaqinida mahalliy vaqt bilan soat 14:49 (Toshkent vaqti bilan 23:49) da 13 soniya farq bilan ikkita bomba portladi; natijada uch kishi halok boʻldi, 183 kishi yaralandi.[1][2] Voqea yuzasidan Federal Tergov Idorasi (FTI; ingl. FBI) surishtiruv-qidiruv ishlari boshladi.[3][4]

18-aprel kuni FTI portlashlargacha va ulardan keyin foto va videolarga tayanib, ikki gumondorni qidiruvga berdi.[5] Bu gumondorlar kelib chiqishi chechen boʻlmish aka-uka Joxar va Tamerlan Tsarnayevlar ekani omma yordami bilan aniqlandi.

Fotosuratlar eʼlon qilinishidan besh soat oʻtib, gumondorlar Massachusetts Texnologik Institutidagi politsiya xodimini oʻldirishgani haqida xabarlar paydo boʻldi. Keyin ular avtomobil va uning egasini opqochib ketishdi, biroq politsiya ularning iziga tushib, Watertown shahrigacha quvib bordi. Gumondorlar Watertownda otishma boshlab, transport politsiyasi xodimini yaralashdi. Jarohatlangan Tamerlan Tsarnayev qoʻlga tushdi, lekin keyinchalik kasalxonada oʻldi. Joxar ham yaralangan edi, biroq politsiyaga darhol tutilmadi.

Minglab[6] politsiya va harbiy xodimlar Watertown hududini qurshab, Joxarni taʼqib qilish amaliyotini oʻtkazishdi. 19-aprel kuni mahalliy hokimiyat Watertown va uning atrofida yashovchi aholini oʻz uylarini tark etmaslikka chaqirdi. Aksariyat jamoat muassasa va transporti yopilib, shahar koʻchalari boʻshatildi. Kechga borib uydan chiqmaslik tavsiyasi bekor qilingach, yaralangan Joxar bir mahalliy odam tomonidan hovlidagi brezent bilan yopilgan qayiq ichida topildi. Kichik otishmadan keyin politsiya Joxarni tutdi va kasalxonaga eltdi.[7]

Oʻzbekiston Prezidenti Islom Karimov Bostonda insonlar qurbon boʻlgani yuzasidan AQSh Prezidenti Barack Obamaga hamdardlik bildirdi.[8]

Manbalar[tahrir]

  1. Straw, Joseph ‘Joe’; Ford, Bev; McShane, Lawrence ‘Larry’ (April 17, 2013). "Boston Marathon bombing investigators searching photos, videos for clues". The Daily News. http://www.nydailynews.com/news/national/injury-toll-rises-marathon-massacre-article-1.1319080. Qaraldi: April 17, 2013. 
  2. "What we know about the Boston bombing and its aftermath". CNN. April 19, 2013. http://edition.cnn.com/2013/04/18/us/boston-marathon-things-we-know/. Qaraldi: April 19, 2013. 
  3. Estes, Adam Clark, Abad-Santos, Alexander, Sullivan, Matt, April 15, 2013, Explosions at Boston Marathon Kill 3 — Now, a 'Potential Terrorist Investigation', The Atlantic Wire, Retrieved April 22, 2013
  4. Fromer, Frederic J., April 15, 2013, Justice Department Directing Full Resources To Investigate Boston Marathon Bombings, The Huffington Post, Retrieved April 22, 2013
  5. Remarks of Special Agent in Charge Richard DesLauriers at Press Conference on Bombing Investigation, FBI, Boston Division, April 18, 2013, Retrieved April 21, 2013
  6. Tanfani, Joe; Kelly, Devin; Muskal, Michael (April 19, 2013). "Boston bombing [Update]: Door-to-door manhunt locks down city". Los Angeles Times (Boston). "As family members called on him to surrender, a 19-year-old college student remained on the run Friday as thousands of police armed with rifles and driving armored vehicles combed the nearly deserted streets of a region on virtual lockdown" 
  7. Seelye, Katharine Q; Cooper, Michael; Rashbaum, William K (April 19, 2013). "Boston bomb suspect is captured after standoff". The New York Times. http://www.nytimes.com/2013/04/20/us/boston-marathon-bombings.html?hp. 
  8. "Prezident ta’ziya izhor etdi". Oʻzbekiston Respublikasi Prezidentining matbuot xizmati. 16.04.2013. http://www.press-service.uz/uz/news/show/main/president_expresses_condolences_1/. 

Havolalar[tahrir]