Baynalmilal jangchi yodgorligi Ijevsk
Baynalmilal jangchi haykali — Izhevsk shahrida, shaharning Bolalar va oʻsmirlar ijod saroyi maydonida oʻrnatilgan. Saroy Oktabr tumanidagi Militsionnaya va Kirov koʻchalari kesishmasi yaqinida joylashgan. U dunyoning „qaynoq nuqtalarida“ vafot etgan Udmurtiya fuqarolari xotirasiga bagʻishlangan.
Tarixi[tahrir | manbasini tahrirlash]
Bronzadan yasalgan 2 metrlik haykal askarning tosh ustida oʻtirgan, qoʻlida avtomat qurol tutgan aksini mujassamlashtirgan. Haykal yonida ikkita peshtaxta oʻrnatilgan boʻlib, lavhalarda turli qaynoq nuqtalarda halok boʻlgan Udmurtiya fuqarolarining nomlari bitilgan. Ular soʻnggi oʻn yilliklardagi urushlar qurbonlaridir. Yodgorlik muallifi haykaltarosh Vladimir Kurochkin[1]. Keyinchalik yodgorlik yonida BTR-60 harbiy transporti ham oʻrnatildi.
Taʼkidlash kerak, ilgari ushbu haykal oʻrnida baynalmilalchilar xotirasiga atalgan boshqa bir mavhum yodgorlik oʻrnatilgan boʻlib, u faxriylarga yoqmagan va natijada olib tashlangan. Yangi haykal 2009-yil 12-fevralda Sovet qoʻshinlarining Afgʻonistondan olib chiqib ketilganining 20-yilligi munosabati bilan oʻrnatilgan. Atrofdagi hududlar obodonlashtirilgach, 2010-yil 15-sentabrda baynalmilalchi askarning yangi haykali tantanali ravishda ochilgan. Yodgorlikning ochilish marosimida qurol-yarogʻ konstruktori M. T. Kalshnikov, Udmurtiya hukumati raisi Yu. S. Pitkevich, V. V. Balakin, shuningdek, faxriylar va jamoat tashkilotlari vakillari ishtirok etdi. Yodgorlik Ijevsk va Udmurt yeparxiyasining ruhoniylari tomonidan muqaddaslashtirilgan, shundan soʻng 251 ta sham yoqilgan. Yodgorlik poyiga esdalik gulchambarlari va gullar qoʻyilgan.
Yodgorlik yaqinida atrofni tozalash va haykalni yuvish maqsadida shanbaliklar tashkil etiladi[2]. Uning atrofida baynalmilalchilarni xotirlash kunlari oʻtkazib turiladi[3].
Manbalar[tahrir | manbasini tahrirlash]
- ↑ „Памятники“ (ru). Владимир Курочкин. 2013-yil 21-sentyabrda asl nusxadan arxivlangan. Qaraldi: 2013-yil 19-may.
- ↑ „В Ижевске умоют афганцев“ (ru). «В Ижевске» (2011-yil 14-oktyabr). 2013-yil 23-mayda asl nusxadan arxivlangan. Qaraldi: 2013-yil 19-may.
- ↑ „День памяти воинов-интернационалистов отметили в Удмуртии“ (ru). Известия Удмуртской Республики (2013-yil 15-fevral). 2016-yil 4-martda asl nusxadan arxivlangan. Qaraldi: 2013-yil 19-may.
Havolalar[tahrir | manbasini tahrirlash]
- „В Ижевске официально открыт и освящен мемориал в честь воинов-афганцев“ (ru). Ижевская и Удмуртская Епархия (2010-yil 15-sentyabr). 2013-yil 16-iyunda asl nusxadan arxivlangan. Qaraldi: 2013-yil 19-may.
- „Памятник воинам-интернационалистам в Ижевске“ (ru). Афган 1979-1989 (2012-yil 20-may). 2013-yil 23-mayda asl nusxadan arxivlangan. Qaraldi: 2013-yil 19-may.