Foydalanuvchi:ABDULLAYEVA MEHRINISO

  Vatanga baxshida umr
                                                             

I.Kirish: Vatan tuprog`ini yashnatgan ayol. II.Asosiy qism:

                        1.Saxiy zaminning mehnatkash farzandi.
                        2.Ona zamin fidoiysi
                        3.Tuproqni oltin qilgan qadoq qo`llar mehnati
  III. Xulosa. .Mehnatda qadrini topganlar
                                                                         Ekinni yer ko`kartiradi,
                                Odamni – Vatan.

(maqol)

        Vatan. Bu so`z alifbodagi bir necha harflar ketma-ketligidan hosil bo`lgan, boshqa so`zlar qatori. Ammo bu so`z zamirida ilk kindik qoning to`kilgan tuproq, ilk qadam qo`yganningdagi maysalar shiviri, ilk hayitlik olgan va qutlagan yuzi nurli odamlar, dilga yaqin dilkash davralar gurungi,  ilk do`st sadoqati-yu birinchi  aldov, ilk bor yangragan qo`ng`iroq va ilk beg`ubor alifbo tanitgan ustoz va butun umrlik hayot shu bir so`zda hal. Shu sababli ham bu so`zni har kim  har xil entikish bilan eslaydi . Vatanni eng bebaho bo`lgan Onaga mengzashadi. Ona kabi mehribon va quchog`iga talpintiradigan go`sha. Bu aziz vatan bizni ulg`aytiradi,kamol toptiradi. Bu aziz Vatanda yashamoq go`zal!  Bugun biz mehnatda qadrini topgan inson haqida  so`z  yuitamiz. Lolaxon  buvi  Murodova   so`lim Farg`ona vodiysining buyuklikka daxldor farzandi. Baxtni qanoatdan yaratgan ayol. O`zining qat’iyati va  ona  zaminga cheksiz  muhabbati  ila Vatan ardog`ida    bo`lgan kun qahramoni.   Lolaxon buvi yuzi nurli ,  boshidan ro`moli  arimaydigan,  samimiyat  sipqorib, qalbiga  chechak  ekuvchi,  boboquyosh taftida qadoq bo`lgan qo`llar-u quroq  yerni ko`kartirgan zabardast qalb sohibi. Yer bilan bahs bog`lashib kim saxiy deb borini yerga sochgan,  kim  mehnatkash deb bellashib to`rt  fasl,  erta-yu kech  daladan arimagan  asl  mehnatkash.  Bunday  oltin  qalb  sohiblarini esa  har  qanday  Vatan  ko`klarga  ko`taradi . Shu sababli  haqiqiy ona zamin qahramoni  Lolaxon buviga “O`zbekiston Qahramoni”  unvonning berilishi  bejiz emas.   Shunday  baxtli  damlarda  soddagina  tabassum,  cheksiz  samimiyat  bilan o`ng qo’l bilan chap ko`krakni tepayotgan  sevinchni bu endi boshlanishi deb tasalli beradi.   Baxtni ham, dardni ham birdek sokin kutib oladi.   Baxt – bu taqdir, dard – bu sinov  deb qo`l silkadi-yu  bepayon dalalardan sabrni,  xokisor  tuproqdan kamtarlikni  o`rnak  bilib  quyoshni uyga kuzatib   maysalarni   ertaga kelishga  ko`ndirib  uyga qaytadi.
     Lolaxon buvi yoshlik damlarini eslar ekanlar, yoshgina ojiz jismni  mexanizmlar  bilan  o`rtoq  tutganini eslaydilar.   Hali quyosh  ko`z  ochmay,  shabbodalar shoshilib  har  tomomga  yugurib  shabnam  sochgani,  bundan  xursand bo`lgan gul yaproqning  xandon  bo`lgan paytlarda yo`lga  otlanib,  bu  manzaradan  yana  ham   tabiatga  bo`lgan  oshiqligi ortadi.  Tuproqning  har gardini  avaylab  yuzga  surtib  to`tiyo qilgani  va bu muqaddas zamin  bu uchun meni ardoqlab, ko`klarga ko`taryapti deb aytadi.  Lolaxon  buvi  bu so`zlar bilan  hatto  jonsiz,  ruhsiz,  tilsiz zamin ham mehnatga yarasha mukofoti  borligini  ta`kidlagandek   go`yo.   Aslida,  Lolaxon buvi  uchun  zamin ruhsiz va tilsiz emas,  seni boqqan,  turli - tuman  ko`zni qamashtiradigan  anvoyi  gul-u mevalar  zamin hosili bo`lsin-u,  yana ruhsiz va tilsiz deyish nohaqlik ekanini, faqat  uni tinglashni bilish kerakligini  aytadi. 
   Lolaxon  buvi  Murodova     “Nurli obod”  fermer  xo`jaligining  ekin maydoni 488,4 gektarni tashkil etib,  hozirgi  kunda  207 nafar ishchi  mehnat  qilmoqda.  Tajribali  fermer  yerlarning  meliorativ  holatini hamda  tuproq  unumdorligini  yaxshilash  maqsadida  so`nggi  uch yilda  120 mln. so`mlik  melioratsiya   ishlarini  amalga  oshirib,  ekin  maydonlarining  ball  bonitetini  41  balldan  50  ballga oshirishga erishgan.    2016-2018 – yillarda xo`jalikda  1764,6  tonna  paxta  va   6946,1  tonna g`alla  yetishtirilib  shartnoma majburiyatlari paxtachilik bo`yicha 120-130, g`allachilikda 150-160- foizga bajarilgan.   Bu yil g`alladan o`rtacha hosildorlik  80 sentnerdan oshdi, - deydi Lolaxon buvi – sof  foydadan  yana uchta  texnika   sotib  oldim .  Fermer xo`jaligi hisobiga  kelgan  dondan  247  tonnasini ishchilarimizga tarqatdik  deb aytar ekan, bu soha vakili bo`lmagan inson ham bu sonlar –u natijalar ortida qanchadan qancha mehnat, ter to`kishlar,  tong  sahardan  to  kun  botargacha   tinimsiz  mehnat  borligi  sezilib  turibdi.                     Bobom yoshligimda dehqonchilik qiyin kasbligi, hamma ham   bu  mehbatdan  non  topa olmasligi,  tavakallchilikka qurilganligini  ko`p takrorlardilar.  Urug`ni  unmasdan  turib  uni qanday ekani,  bu yil  ob- havo  qanday  kelishi,   yerning  urug`  unushi  uchun  qulay  yoki   boshqa  tomonlarini  obdon  o`ylash,  yerni  ekinga  tayyorlashdan  tortib  hosil  xirmon  bo`lguniga  qadar  tinimsiz  mehnat  haqida   oddiygina  qilib  gapirish  mumkin  emas.  Axir  bu  butun  xalqning  rizqi,  hozlaysizmi - yo`qmi  baribir  biz  -hammamiz  bunga  daxldormiz.  Ana  shunday  yukni  ko`tarib  yurgan  Lolaxon  buvi  bunday  ardoqlashga  munosibdir  va bu mehnatni  hamma  bilishi  kerak.  Bu cheksiz  mehnatni esa qadrlamoq  lozim.   Mehnatda   qadrini  topish  ham  bir  saodattir.    
      Lolaxon  buvi ham ismi jismiga monad desam,  ko`pchilik qo`shilmaydigandek. Ammo  nozik  jussasi  bilan  baland  qirdan  ildiz  otib,   tuni sovg`iga,  quyunday shamoliga  bardosh berish,  hali  sovuq  qishning  qilichi  qinga joylanmay,  qor  tagidan  cheksiz  osmonning  mutloq  hukumdori  quyoshning   nurlaridan   bahra  olish    uchun  bo`y   cho`zib,  bahorning  injiq  tabiatiga  chidab,  qaddini  sindirguvdek  bo`lib   yoqqan  yomg`irlarga quchoq  ochish  hamma  o`simliklarga  xos  fazilat  emas.   Lolaxon  buvi  ham   shunday  xususiyatlar  egasi  desak  sira  ham  yanglishmaymiz.    So`lim  Farg`onaning  ba`zan   sokin,  ba`zan  suronli  tabiati  bag`rida   voyaga yetgan.  Har   nihol,  har  barg   yozgan g`unchalarni  qalbiga    yaqin  tutib  o`zini qadrdon  va  beg`ubor  qalb egasi -  Lolaxon  buvi  hammada    ham  uchrayvermaydigan,  buyuklik-u abadiylikka daxldorlik   isi  ufurib  turadi.  Hali  kichikligidanoq  otasiga  ergashib,  ketmon  orqalab,  hali  quyosh  uyg`onib  ulgurmagan,  orasta  yaproqlar  shabnam  bilan  bezangan  chog`lar  ko`ngildagidek   keng va  xokisor  tuproq  tomon  talpinadi.   Kichik jussasida  ulkan shijoat  bilan  ufqqa  tomon  termulgan  ko`zlar  uzoqni  ko`ra  bilashi,  mehnatlar   mukofoti,   inson  sharafi   bular  hammasi  bir  insonda  mujassam.     
         O`zbekiston  Respublkasi  Prezidenti    Shavkat  Mirziyoyev  ham Lolaxon  buvining  bemor  ekanligini   eshtiboq   tezlik bilan  eng  tajribali  shifokarlar  bilan  taminlagani    buvining    fidoiyligining  mukofoti   desak bo`ladi.  Bu  voqeani  eshitib,  beixtiyor, Husayin Boyqaro  Navoiyning  ilm  ahliga  xizmati  uchun  o`z  arg`uvonida  butun  shaharni  sayr  ettirgani  ko`z  oldimda  gavdalandi.   Mehnatlar   qadri,  fidoiylik  sharafi  ham  insonning  yanada  shijoat  bilan  ishlashiga  qanot  baxsh etadi.    Chunonchi,  tuproqni  oltin  qilgan qadoq  qo`llar  mehnati   o`laroq   munosib  taqdirlandi  buviga  “O`zbekistonda  xizmat  ko`rsatgan  qishloq  xo`jaligi  xodimi”   faxriy  unvoni,   “El-yurt  hurmati” va “Fidokorona xizmatlari  uchun”  ordenlari bilan  mukofotlandi.   “O`zbekiston  Qahramoni “ yuksak  mukofotning  topshirilishi butun mehnat  ahliga  o`rnak  bo`ldi  desam yanglishmayman.  Buvi  bu mukofot  haqida  shunday deydi: - Ayoliga  yuksak  ehtirom  ko`rsatiladigan  mamlakatimizning  oliy  unvoni men  kabi  barcha  farg`onalik  dehqonlar  mehntiga   berilgan   yuksak  baho  deb  bilaman,   Shu  bilan  birga  bu men  uchun  yanada  yuksak mas’uliyat.  Xalqimga,  Prezidentimga va`da   berib  aytamanki,   bundan  buyon  ham  Parvardigor  bergan  umrni  Vatanim  ravnaqi,  qishloq  xo`jaligini yuksaltirish  uchun  baxshida  etaman  - deydi  Lolaxon  buvi  shijoat  bilan.  Yashash  zavqi  mehnatda  ekanligi,  har  qanday  sidqidildan  qilingan  mehnat  mukofotsiz  qolmasligi  Lolaxon  buvining    issiq  taftidan  bilinib  turadi.     
     Lolaxon  buvi  yoshligini  eslar  ekan,  otam injener edi, ko`ylaklari  moy,  kunning  issig`ida  terlab  ketardi,  shunda  ham  bu  ish  qiyin  degan  hayol  bo`lmaganini  eslaydi.  Mexanizator  bo`lib  ishlash  orzu  bo`lganini  aytadi.  Ilk  bor  mashina  rolini  tutganida  qo`llari  qaltiragani va  otasi  agar  bu  ishga  haqiqiy mehr  bersang  qo`rqmaslik  kerakligini  aytgani,  ilk mexanizatorlik  yillarini,  qarovga  muhtoj  yerlarni  yashnatgani  haqida  to`lqinlanib  gapiradi.   Hali  maktab  chog`laridan    Vatanga  o`zining  munosib  hissasini  qo`shib  kelayotgan  qahramonimiz,  mehnatlar  qadri,  berilgan  imkoniyatlardan  cheksiz   minnatdor  bo`ladi va  bundanda  ko`proq  natija  va yutuqlarga  va`da  beradi.  Muvaffaqiyat    va  baxtga   olib  boradigan  oson  yo`l  yo`q.  Qiyinchilik  esa  hayot  qonuni deb  biladi  biluvchi  Lolaxon  buvi    doimo  yangi  rejalar,   innovatsion  texnikalar,  turli  navlarni  o`zlashtirish,  hosildorlikni oshirish,  hali o`rganilmagan  sohalar  haqida,  dehqonchilikning  rivojlanmangan  jabhalari   haqida  o`ylaydi, rivojlantirish  rejalarini  tuzadi.Biz  -  yosh  avlod  ular  kabi  qaysi  kasbda  bo`lmasin  mehnat  va  kamtarlik  bilan  Vatanga  munosib  farzand  bo`lish, kichiklarga  o`rnak  bo`lish,  buyuk  ishlar  uchun  hech  qachon  kech  emasligini  uqamiz.  Lolaxon  buviga  mehnatlar  unumi,  rejalar  rivoji,  xirmonga  baraka tilaymiz.  Har doim  el  ardog`ida  bo`lib, ulkan zafarlar  quchishlari   tilaymiz   va biz yoshlar  har  qanday  chaqiriqlariga  bel  bog`lab,  qo`lni  ko`ksiga  qo`yib  labbay  deyishga  tayyormiz.