Kabral Pedru Alvarish

Vikipediya, ochiq ensiklopediya
Jump to navigation Jump to search

KABRAL (Cabral) Pedru Alvarish (1460—1526) — portugaliyalik dengizchi sayyoh. 1500 y.da qirol Manuel 1 tomonidan Vasko da Gama marshruti boʻyicha savdo maqsadlarida Hindistonga boradigan flotiliyaga qoʻmondon qilib tayinlandi. Yashil Burun o.laridan jan.ga yoʻl olgan kemalar gʻarbga qarab yoʻnalishini oʻzgartirdi va 1500 y. 22 aprelda 17° j.k.da orol deb ishongan holda yangi yerni kashf qildi va uni Vera-Krush Yeri deb nomladi (oʻsha yili u Santa-Krush deb qayta nomlandi, bir necha yildan keyin esa Braziliya — Brasil degan norasmiy nom asosiy nom boʻlib qoldi). Soʻngra K. sharqqa — Yaxshi Umid burniga tomon yoʻl oldi va 1500 y. sentyabr oyida Hindistonning Kalikut sh.ga yetib bordi. Mahalliy aholining portugallar bilan savdo qilishdan bosh tortganliklari uchun kelgindilar shaharni vayron qilishdi. Qoʻshni Kochin va Kanannur port shaharlari bilan portugallar uchun foydali shartnomalar tuzib, 1501 y. da u yerdan chiqib ketdi[1]

Manbalar[tahrir]

  1. OʻzME. Birinchi jild. Toshkent, 2000-yil