Professor X
| Professor X | |
|---|---|
 Astonishing X-Men #7 (mart, 2018-yil). Rassom: Mike Deodato Jr. | |
| Nashr haqida maʼlumot | |
| Nashriyot | Marvel Comics |
| Debyut |
The X-Men #1 (sentabr, 1963-yil) |
| Muallif(lar) |
Stan Lee Jack Kirby |
| Qahramon haqida maʼlumot | |
| Toʻliq ismi | Charles Francis Xavier |
| Tavallud joyi | Nyu-York, AQSh |
| Ittifoqchilari va dushmanlari haqida maʼlumot | |
| Ittifoqchilari |
Gʻaroyib odamlar Illuminati X-Corporation Yangi mutantlar Genoshan Excalibur Starjammers Cadre K Mutantlar birodarligi |
Professor X (Charles Francis Xavier) — Marvel Comics tomonidan yaratilgan personaj. Stan Lee va Jack Kirby tomonidan yaratilgan ushbu personaj birinchi marta 1963-yilda The X-Men #1 komiksida paydo boʻlgan.
Xavier gʻayriinsoniy kuchlar bilan dunyoga kelgan mutantdir. U mutantlar va insonlarning tinch-totuvlikda yashashi uchun kurashadigan Gʻaroyib odamlar (X-Men) jamoasining asoschisi hisoblanadi. Xavier kuchli telepatik qobiliyatga ega mutantdir. U boshqa odamlarning fikrlarini oʻqiy oladi va hatto ularni boshqara oladi. Xavier Nyu-Yorkda butun dunyodan kelgan mutantlar uchun xususiy maktab ochgan.
Xavier oyoqlari falaj boʻlgani sababli nogironlar aravachasidan foydalanadi. Dunyodagi eng qudratli telepatlardan biri boʻlgan Xavier daho hamdir. U mutant genlariga ega boʻlgan shaxslarning qayerda ekanligini topish uchun „Cerebro“ deb ataluvchi texnologik qurilmaning yaratuvchisidir.
Xavier, sobiq doʻsti Magnetodan farqli oʻlaroq, har doim zoʻravonlikka qarshi boʻlgan. U mutantlarga boshqa odamlar bilan tinch-totuvlikda yashash uchun patsifistik takliflarni ilgari surdi. Xavierning maqsadlari va siyosiy qarashlari bir necha bor Martin Luther King Jr.[1] bilan, Magneto esa Malcolm X bilan solishtirilgan[1].
Professor X rolini Gʻaroyib odamlar, X2, Gʻaroyib odamlar: Soʻnggi intiqom va Gʻaroyib odamlar: Muqaddima. Suvsar filmlarida Patrick Stewart gavdalantirgan. Professor X'ning yoshligini esa Gʻaroyib odamlar: Birinchi sinf, Gʻaroyib odamlar: Oʻtgan kelajak, Gʻaroyib odamlar: Apokalipsis va Gʻaroyib odamlar: Feniks zulmati filmlarida James McAvoy gavdalantirgan.
Yaratilish tarixi[tahrir | manbasini tahrirlash]
Stan Lee va Jack Kirby tomonidan yaratilgan ushbu personaj birinchi marta 1963-yilda The X-Men #1 komiksida paydo boʻlgan. Stan Leening aytishicha, Professor Xavier’ning qiyofasi Oscar mukofoti sovrindori Yul Brynnerdan ilhomlangan.
Manbalar[tahrir | manbasini tahrirlash]
- ↑ 1,0 1,1 „Professor X And Magneto: Allegories For Martin Luther King Jr. And Malcolm X“. Screened (1 iyun 2011). 9 noyabr 2013da asl nusxadan arxivlangan. Qaraldi: 16 aprel 2014.
Havolalar[tahrir | manbasini tahrirlash]
- Professor X Marvel.com saytida
- Professor X Marvel Database saytida
- Professor X Marvel Directory saytida
- Professor X Comic Vine saytida
- Professor X Writeups.org saytida
- Professor X UncannyXmen.net saytida