Zinaida Turchina
| Zinaida Turchina | |
|---|---|
 Gandbol boʻyicha SSSR ayollar terma jamoasi. Turchina oʻngda | |
| Shaxsiy maʼlumotlari | |
| Jinsi | Ayol |
| Fuqaroligi |
 SSSR  Ukraina |
| Tavallud sanasi |
17-may, 1946-yil Kyiv, Ukraina |
| Sport | |
| Qaysi sport | Gandbol |
Zinaida Mixaylovna Turchina (Qizlik familiyasi Stolitenko; 1946-yil 17-may, Kyiv) — sovet va ukrainalik gandbolchi, ikki karra olimpiya chempioni, ikki karra jahon chempioni, Yevropa chempionlar kubogining koʻp karra gʻolibasi va koʻp karra SSSR chempioni. SSSRda xizmat koʻrsatgan sport ustasi (1972). U Kyivning „Spartak“ jamoasida faoliyat yuritgan. 1965-yildan 1988-yilgacha SSSR terma jamoasida 500 dan ortiq oʻyin oʻtkazgan.
2000-yilda Xalqaro gandbol federatsiyasi tomonidan oʻtkazilgan soʻrov natijalariga koʻra, sayyoramizning 20-asrdagi eng yaxshi gandbolchisi deb topilgan[1].
1993-yildan „Kyiv-Spartak“ gandbol klubi prezidenti.
Tarjimai holi[tahrir | manbasini tahrirlash]
1965-yilda Zinaida Stolitenko Spartak klubi bosh murabbiyi Igor Turchinga (1936-1993) turmushga chiqqan. Zinaidaning aytishiga qaraganda, oʻsha paytda butun jamoa Turchinga oshiq boʻlgan va murabbiy Zinaidaga taklif qilganini bilib, gandbolchilar turchinga qarshi boykot eʼlon qilishgan. 1971-yilda ularning oilasida Natalya ismli qiz dunyoga kelgan. 1983-yilda oʻgʻil farzandli boʻlishgan. Oʻgʻlining ismi Mixail.
Faoliyati[tahrir | manbasini tahrirlash]
1959-yilda Zinaida Turchina maktab davrida Igor Turchin bilan mashgʻulotlarni boshlagan. 3 yil oʻtib, yaʼni 1962-yilda ularning saʼy-harakati bilan „Spartak“ gandbol klubiga asos solingan. Zinaida klubda 1994-yilgacha uzluksiz oʻynagan (1990-yildan oʻynovchi-murabbiy sifatida). 1989-yildan boshlab qizi bilan bir jamoada harakat qilgan. Zinaida Turchina 20 marta SSSR chempionligi, 1 marta Ukraina chempionligi va 13 marta Yevropa kubogini (bu turnir rekordi) qoʻlga kiritgan. 1994—1996-yillarda Zinaida Turchina Spartak gandbol klubi va Ukraina terma jamoasi bosh murabbiyi sifatida faoliyat yuritgan. 1993-yildan buyon „Spartak“ prezidenti.
Davlat mukofotlari[tahrir | manbasini tahrirlash]
- SSSR
- Ukraina
- Olga Knyagina ordeni: I, II va III darajali[2][3][4].
- „Hizmatlari uchun“ ordeni: III darajali[5]
Manbalar[tahrir | manbasini tahrirlash]
- ↑ „Газета «Ведомости» от 20 июня 2000 года“. 2009-yil 27-iyulda asl nusxadan arxivlangan. Qaraldi: 2009-yil 13-iyul.
- ↑ „Указ Президента України № 26/2009 від 16 січня 2009 року «Про відзначення державними нагородами України»“. 2018-yil 29-dekabrda asl nusxadan arxivlangan. Qaraldi: 2015-yil 29-iyul.
- ↑ „Указ Президента України № 1078/2002 від 29 листопада 2002 року «Про відзначення державними нагородами України чемпіонів та призерів Олімпійських ігор, тренерів та організаторів спортивного руху»“. 2019-yil 6-mayda asl nusxadan arxivlangan. Qaraldi: 2015-yil 29-iyul.
- ↑ „Указ Президента України № 1289/97 від 22.11.1997 року «Про нагородження олімпійських чемпіонів відзнаками Президента України»“. 2018-yil 3-fevralda asl nusxadan arxivlangan. Qaraldi: 2015-yil 29-iyul.
- ↑ Ukaz Prezidenta Ukraїni № 755/2012 vіd 25 grudnya 2012 roku „Pro vіdznachennya derjavnimi nagorodami Ukraїni“ (Wayback Machine saytida 2012-12-31 sanasida arxivlangan)(ukr.)