Dilmurod Nabiyev
| Nabiyev Dilmurod Xamidullayevich | |
|---|---|
| Tavalludi |
1978-yil 20-sentyabr |
| Fuqaroligi |
 Oʻzbekiston |
| Taʼlimi | Toshkent davlat iqtisodiyot universiteti |
| Kasbi | Rektor |
Nabiyev Dilmurod Xamidullayevich (1978-yil 20-sentyabrda tavallud topgan) — Iqtisod fanlari doktori, professor. Milliy tiklanish demokratik partiyasi aʼzosi. Qarshi davlat universiteti rektori[1].
Hayoti va faoliyati[tahrir | manbasini tahrirlash]
Nabiyev Dilmurod 1978-yil 20-sentyabrda Toshkent shahrida tavallud topgan. Millati oʻzbek. 2001-yilda Toshkent davlat iqtisodiyot universitetini tamomlagan.
1996—1997-yilda „TAN-SI“ mas’uliyati cheklangan jamiyati marketing boʻlimi menejeri, 1997—2000-yilda „Oʻzbekinvest“ milliy sugʻurta kompaniyasi menejeri assistenti, 2000—2008 yillarda Oliy va oʻrta maxsus taʼlim vazirligi I toifali stenografisti, yetakchi mutaxassisi, Oliy va oʻrta maxsus taʼlim vaziri yordamchisi, Oliy va oʻrta maxsus taʼlim vazirligi Ilmiy-tadqiqot faoliyatini muvofiqlashtirish boʻlimi boshligʻi oʻrinbosari lavozimlarida ishlagan.
2008-yilda Toshkent davlat iqtisodiyot universiteti Xalqaro iqtisodiy munosabatlar fakulteti dekani oʻrinbosari, 2008—2010-yillarda Toshkent davlat iqtisodiyot universiteti Xalqaro iqtisodiy munosabatlar fakulteti dekani lavozimida faoliyat olib borgan.
2010—2011-yillarda Oʻzbekiston Respublikasi Prezidentining Fan, taʼlim, sogʻliqni saqlash va sportni rivojlantirish masalalari boʻyicha Davlat maslahatchisi xizmati Fan va ilmiy-texnikaviy taraqqiyot masalalari boʻyicha guruhining yetakchi konsultanti.
2011-2012 yilda Oʻzbekiston Respublikasi Prezidenti devoni Fan, taʼlim, sogʻliqni saqlash va sportni rivojlantirish masalalari boʻyicha xizmatining Taʼlim va kadrlarni tayyorlash milliy dasturini amalga oshirish guruhining oliy taʼlim masalalari boʻyicha yetakchi konsultanti.
2012—2014-yillarda Oʻzbekiston Respublikasi Prezidenti devoni Fan, taʼlim, sogʻliqni saqlash va sportni rivojlantirish masalalari boʻyicha xizmatining Fan va ilmiy-texnikaviy taraqqiyot masalalari boʻyicha guruhining bosh konsultanti.
2014—2016-yilda Oʻzbekiston Respublikasi Prezidentining Fan, taʼlim, sogʻliqni saqlash va sportni rivojlantirish masalalari boʻyicha Davlat maslahatchisi oʻrinbosari.
2016—2017-yilda Oʻzbekiston Respublikasi Vazirlar Mahkamasining Taʼlim, ilm-fan va yoshlar siyosati masalalari axborot-tahlil departamenti mudiri.
2017—2018-yilda Oʻzbekiston Respublikasi Oliy va oʻrta maxsus taʼlim vazirining birinchi oʻrinbosari[2].
2018—2021-yillarda Oʻzbekiston Respublikasi Jismoniy tarbiya va sport vaziri lavozimida faoliyat yuritgan[3]. 2021-yil lavozimidan ozod etilgan[4][5].
Nabiyev Dilmurod 2021-yil fevral oyida Qarshi davlat universiteti rektori lavozimiga tayinlandi[1][6][7] va hozirgi kunga qadar shu lavozimda faoliyat yuritib kelmoqda.
Manbalar[tahrir | manbasini tahrirlash]
- ↑ 1,0 1,1 „Sobiq vazir Qarshi davlat universitetiga rektor etib tayinlandi“.
- ↑ „Nabiyev Dilmurod Xamidullayevich O`zbekiston Respublikasi Oliy va o`rta maxsus ta’lim vazirining birinchi o`rinbosari lavozimiga tayinlandi“. 2023-yil 20-avgustda asl nusxadan arxivlangan. Qaraldi: 2023-yil 20-avgust.
- ↑ „Yangi sport vaziri tayinlandi“. 2023-yil 20-avgustda asl nusxadan arxivlangan. Qaraldi: 2023-yil 20-avgust.
- ↑ „Dilmurod Nabiyev lavozimidan ozod etildi“.
- ↑ „Jismoniy tarbiya va sport vaziri Dilmurod Nabiyev lavozimidan ozod etildi“.
- ↑ „Yana bir sobiq vazir rektorlik lavozimiga tayinlandi“.
- ↑ „Dilmurod Nabiyev appointed as Rector of Karshi State University“.