Laos Xalq Demokratik Respublikasi fuqarolik pasporti

Laos Xalq Demokratik Respublikasi fuqarolik pasporti
Laos oddiy biometrik pasportining old muqovasi.
Turi	pasport
Kim tomonidan berilgan	Laos
Ilk chiqishi	2016-yil 30-iyun (biometrik pasport)
Maqsad	shaxsni tasdiqlash
Muvofiqligi	Laos fuqaroligi
Yaroqlilik muddati	10 yil

Laos fuqarolik pasporti — mamlakatdan chiqib ketish va undan tashqarida qolish, shuningdek, chet el safaridan davlat hududiga kirishda fuqaroning shaxsini tasdiqlovchi rasmiy hujjatdir.

Tarixi

2016-yil aprel oyida Laosda Rossiyaning Goznak federal davlat unitar korxonasi tomonidan ishlab chiqarilgan biometrik pasportlarni sinovdan oʻtkazish boshlandi.

Tashqi koʻrinish

Tashqi tomondan biometrik pasportlar eski namunadagi pasportlardan unchalik farq qilmaydi. Yangi hujjatda koʻpaytirilgan sahifalar, gologramma folga varagʻida chop etilgan identifikatsiya maʼlumotlari sahifasi, jumladan, imzo tasviri va egasi suratining rangli nusxasi mavjud. Chip orqa muqovada joylashgan.

Pasport koʻk rangda, (laoscha: ສາທາລະນະລັດ ປະຊາທິປະໄຕ ປະຊາຊົນລາວ; fransuzcha: République Démocratique Populaire Lao;) „Lao Peopleʼs Democratic Republic“ va (fransuzcha: Passeport) „Passport“ yozuvlari laos, fransuz va ingliz tillarida mavjud. Markazda oltin rangda Laos gerbi tushirilgan. Pasport laos, fransuz va ingliz tillarida beriladi. Hujjat ichida RFID chipi mavjudligini koʻrsatuvchi biometrik pasportlar belgisi muqovaning eng pastki qismida joylashgan. Bugungi kunga kelib, Laos biometrik pasportida pasportning asosiy identifikatsiya elementi sifatida pasport egasining rangli fotosurati, barmoq izlari, elektron imzo, egasining tugʻilgan sanasi va joyi, pasport berilgan sana va uni bergan organ toʻgʻrisidagi maʼlumotlar saqlanadigan mikrosxema (elektron chip) mavjud. 10 yil muddatga chiqariladi.

Identifikatsiya sahifasi

Laos pasportida quyidagi maʼlumotlar mavjud:

• Egasining fotosurati
• Turi (pasport belgisi uchun P)
• Davlat kodi (Laos uchun LAO)
• Pasport raqami
• Familiya
• Ism
• Laosdagi ismi
• Fuqarolik (LAO)
• Tugʻilgan sana (DD. MM. YYYY)
• Jins (M/F)
• Tugʻilgan joyi
• Chiqarilgan sana (DD. MM. YYYY)
• Yaroqlilik muddati (DD. MM. YYYY)
• Kim tomonidan berilgan
• Egasining imzosi

Egasi haqida maʼlumot sahifasi P<LAO bilan boshlanadigan mashina oʻqilishi mumkin boʻlgan kod maydoni bilan tugaydi.

Tillar

Maʻlumot sahifasi laos, fransuz va ingliz tillarida chop etilgan.

Pasport xabari

Pasportda odatda uchda beriladigan maxsus xabar mavjud. Murojaat xorijiy davlatlarning hokimiyat vakillariga qaratilgan. Ushbu murojaatda Laos Xalq Demokratik Respublikasi Hukumati nomidan Laos Tashqi ishlar vazirligi pasport egasiga toʻsiqlarsiz oʻtish, sayohat qilish va unga zarur yordam koʻrsatishni soʻraydi.

laoscha: ໃນນາມ ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກະຊວງການຕ່າງປະເທດ ຂໍໃຫ້ເຈົ້າໜ້າທີ່ ທີ່ກ່ຽວຂ້ອງຈົ່ງໃຫ້ອຳນວຍຄວາມສະດວກ ໃນການໄປມາ ແກ່ຜູ້ຖືໜັງສືຜ່ານແດນສະບັບນີ້ ແລະ ໃຫ້ຄວາມຊ່ວຍເຫຼືອຄຸ້ມຄອງໃນຄາວຈຳເປັນອີກດ້ວຍ.

fransuzcha: Au nom du Gouvernment de la Republique Democratique Populaire Lao, le Ministere des Affaires Etrangeres prie les autorites competentes de laisser passer librement le titulaire de ce passeport, et de lui donner aide et protection en cas de bosoin.

inglizcha: In the name of the Government of the Lao People's Democratic Republic, the Ministry of Foreign Affairs requests all relevant authorities to whom it may concern to allow the bearer to pass freely, and to afford the bearer any such assistance and protection as maybe necessary.

Laos fuqarolari uchun viza talablari

Laos fuqarolari vizasiz kirishlari yoki dunyoning 45 mamlakati va hududlariga kelganlarida vizaga murojaat qilishlari mumkin.

Laos fuqarolari uchun viza talablari

  Laos

  Vizasiz kirishga ruxsat

  Kelgandan keyin olinadigan viza

  eVisa

  Viza kelganda ham, onlayn rejimida ham mavjud

  Viza talab qilinadi