Google

Google Inc.
Faoliyati	Internet, Computer software
Asos solingan yili	4 sentabr 1998
Asoschilari	Sergey Brin, Larry Page
Joylashuvi	1600 Amphitheatre Parkway, Mountain View, California
Muhim shaxshlar	Eric E. Schmidt, BIM/Direktor Sergey Brin, asoschi, Texnologiya Prezidenti Larry Page, asoschi, Mahsulotlar Prezidenti George Reyes, BMM
Daromadi	US$ 29.321 milliard (2010)
Ishchilar soni	26,316 (March 31, 2011)
Veb-sahifasi	www.google.com

Google (Gugl) - qidiruv tizimidir

Ushbu tizim hozirda internetda mashhurligi bo'yicha birinchi o'rinda bormoqda (u 70% qidiruv so'rovlarini amalga oshiradi). Hozirda u kuniga 50 mln. qidiruv so'rovlarini registratsiya qiladi va ayni vaqtda 8 mlrd. dan ortiq veb sahifalarni indeksatsiyalagan. Google 101 tadan ortiq tillarda so'rovlarni qayta ishlaydi va 132 mingdan ortiq komputerlardan iborat.(2004-yil avgust oyi ma'lumotlariga asosan)

Kompaniya

Qidiruv tizimi Google Inc. sifatida Mauntin Vyuda ro'yxatdan o'tgan.

Saytlarni indekslash

Google qidiruv roboti tarkibida User Agent bor. User Agent - Googlebot(Qidiruv roboti) - bu sahifalarni tarkibini qidirishda indekslash uchun skaner qiluvchi asosiy robotlardan biri xisoblanadi. Bundan tashqari bu kabi bir qancha robotlar mavjud:

- Googlebot-Mobile - mobil qurilmalar saytlarini indekslovchi robot;
- Google Search Appliance (Google) gsa-crawler - yangi apparat-dasturiy kompleksi Search Appliance ning qidiruv roboti;
- Googlebot-Image — rasmlarni indekslash uchun sahifalarni skaner qiluvchi robot;
- Mediapartners-Google - sahifalar tarkibida uchrovchi AdSense bo'yicha skaner qiluvchi robot;
- Adsbot-Google - AdWords bo'yicha skaner qiluvchi robot.

So'rovlar sintaksisi

Google interfeysi murakkab so'rovlar tilidan tarkib topgan. So'rov jarayonida alohida domenlar, tillar, fayl turlari va hokazolar bo'yicha so'rov sohasini yanada aniqroq bo'lishini ta'minlaydi. Masalan, «intitle:Google site:wikipedia.org» so'rovi Vikipediada mavjud bo'lgan mavjud tillardagi barcha maqolalarda, shuningdek sarlavhalarda Google so'zi uchrovchi natijalarni ko'rsatadi. Ushbu murakkab va ko'plab imkoniyatlarga ega bo'lgan so'rov tili xakerlar tomonidan veb saytlarni tadqiq qilishda foydalanishi mumkin.

Asoschilari

• Larri Peyj (Larry Page)
• Sergey Brin (Sergey Brin)

IPO

Google 19 avgust 2004-yilda o'z aksiyalarini fond birjasida sota boshladi. 1.67 mlrd. AQSh dollarilik 20 mln. aksiyalar sotilib ularning 1.2 mlrd. dollari Googlening o'zida qoldi. 2005-yil noyabr oyining ma'lumotlariga qaraganda, Google aksiyalari narxi 400 AQSh dollaridan oshib ketdi (ular birjada dastlab 83 dollardan narxlangandi) va korporatsiyaning kapitalizatsiyasi 119 mlrd. dollarga teng bo'ldi.

Google xizmatlari va utilitilari

• IE uchun Google Toolbar - ushbu plagin(plugin) Internet Explorer brauzeri uchun qo'shimcha funksional panel qo'shadi. Unda qidiruv, veb formalarni to'ldirish, suzib chiquvchi oynalarni bekor qilish kabi imkoniyatlar mavjud.
• Firefox uchun Google Toolbar - Firefox brauzeri uchun funksional panel
• Google Earth — Yer yuzasining 3 o'lchovli xaritasi.
• Google Maps - Google xarita tizimi.
• Picasa 2. Picasa - Raqamli tasvirlar bilan ishlash vositasi.
• Google Talk — Googledan internet peyjer(pager).
• Desktop Google Search — Windows OS uchun ish stolida (yani lokal komputerda) qidirish vositasi.
• Personalized page - Foydalanuvchilarga Google bosh sahifasini o'ziga moslashtirish imkoniyatini beradi.
• Google RSS aggregator - Googledan rss agregator (yig'uvchisi).
• Google Calendar - Vaqtni tejash va turli voqealarni sana bilan bog'lash uchun yaratilgan kalendar.
• Google Notebook - Veb sahifalarga turli izohlar qo'yish yoki ulardan matn va tasviriy ma'lumotlarni yagona joyda saqlash uchun mo'ljallangan xizmat.
• Google Chrome - Veb-brauzer.

Havolalar

• Guglning Bosh Sahifasi ^(ingl.)
• Guglning Rasmiy Blogi ^(ingl.)
• Google O`zbek tilida