Baba Adam masjidi

Baba Adam masjidi
	Masjid
	Baba Adam masjidi; bengalcha: বাবা আদম মসজিদ, ; arabcha: مسجد بابا آدم
	Kirish qismi
Mamlakat	Bangladesh
Koordinatalar	23°33′23″N 90°29′47″E / 23.556431°N 90.496350°E G OKoordinatalari: 23°33′23″N 90°29′47″E / 23.556431°N 90.496350°E G O
Yoʻnalishi	sunniy
Asoschi	Jaloliddin Fotih Shoh
	Asosiy sana:; 1483-yil
Umumiy maydoni	69.8625m²
Gumbazlar soni	6
Sayt	[munshigonj.com/heritage/babaadam.htm Rasmiy sayt]
	Baba Adam masjidi Vikiomborda

Baba Adam masjidi (bengalcha: বাবা আদম মসজিদ, arabcha: مسجد بابا آدم) Bangladeshning Munshiganj tumanidagi Rampal ittifoqiga qarashli Qodi Qasba qishlogʻida joylashgan masjiddir. U 1483-yilda Malik Kafur tomonidan Jaloliddin Fatehshoh davrida jome masjidi sifatida foydalanish uchun qurilgan^[1]. 15-asrda yashagan musulmon voizi Baba Adam Shahidning qabri bino yaqinida joylashgan.

Tarixi[tahrir | manbasini tahrirlash]

Sharqdagi markaziy eshik tepasiga oʻrnatilgan arab xattotchilik uslubidagi yozuvga koʻra, masjid hijriy 888-yil rajab oyida (milodiy 1483-yil avgust/sentyabr) Bengal sultoni Jaloliddin Fatehshoh davrida qurilgan. U Sultonning zobitlaridan biri Malik al-Muazzam Molik Kafur tomonidan bunyod ettirilgan^[2]^[3]. Tarixchi Ahmad Hasan Doniyning yozishicha, Kafur habash millatiga mansub edi^[4]. Hozirda arxeologiya boʻlimi qoshidagi qoʻriqlanadigan yodgorlik sirasiga kiruvchi masjid taʼmirlangan va yaxshi holatda saqlab qolingan.

Arxitekturasi[tahrir | manbasini tahrirlash]

Masjid ikki yoʻlak va uchta qismga boʻlingan, gʻarbdagi devorning orqa tomoni uch qismga ajratilgan, uning oʻrta qismida koʻp qirrali bezakli ark paneli mavjud. Gʻishtdan qurilgan bino ikki qatorga boʻlingan oltita bir xil shakldagi gumbaz bilan qoplangan. Sakkiz qirrali ikkita mustaqil nozik qora bazalt ustunlar zanjir va qoʻngʻiroq naqshlari bilan bezatilgan. Tosh ustunlar oltita gumbazning ikki markazli qirralarini tutib turadi.

Barcha kirish eshiklari va mehroblar toʻrtburchak ramka ichida joylashtirilgan. Janubiy va shimoliy devorlarida toʻrtburchak nishlar mavjud. Koʻp gumbazli masjidning minorasi yoʻq. Markaziy eshikning ikkala tomonida ikkita koʻp burchakli toʻrtburchak panellar oʻrnatilgan. Arklar qirrali kichik ustunlar ustida mustahkam qilib ishlangan va chiroyli terakota gulli naqsh va osma bezaklar bilan bezatilgan. Fasad bezaklarining bu turi Shahzodpur (Sirajganj) masjidida ham uchraydi^[5].

Galereya[tahrir | manbasini tahrirlash]

Muqobil koʻrinishi
Dizayni
Motiv
Burchagi
Ustun

Yana qarang[tahrir | manbasini tahrirlash]

Bengal sultonligi

Manbalar[tahrir | manbasini tahrirlash]

↑ Michell, George, The Islamic Heritage of Bengal, p. 128, ISBN 978-9231021749
↑ Ahmed, Abu Sayeed M.. Mosque Architecture in Bangladesh. UNESCO Dhaka, 2006 — 98 bet. ISBN 978-984-32-3469-8.
↑ Ahmed, Dr. Nazimuddin, Discover the Monuments of Bangladesh, p. 158
↑ Ahmad Hasan Dani „Analysis of the Inscriptions“,. Asiatic Society Of Pakistan Vol-ii — 35 and 99 bet.
↑ „Baba Adam's Mosque“. munshigonj.com. 2017-yil 8-iyulda asl nusxadan arxivlangan. Qaraldi: 2018-yil 5-oktyabr.

[1] Michell, George, The Islamic Heritage of Bengal, p. 128, ISBN 978-9231021749

[2] Ahmed, Abu Sayeed M.. Mosque Architecture in Bangladesh. UNESCO Dhaka, 2006 — 98 bet. ISBN 978-984-32-3469-8.

[3] Ahmed, Dr. Nazimuddin, Discover the Monuments of Bangladesh, p. 158

[dani-4] Ahmad Hasan Dani „Analysis of the Inscriptions“,. Asiatic Society Of Pakistan Vol-ii — 35 and 99 bet.

[munshigonj.com-5] „Baba Adam's Mosque“. munshigonj.com. 2017-yil 8-iyulda asl nusxadan arxivlangan. Qaraldi: 2018-yil 5-oktyabr.

[1]

[2]

[3]

[4]

[5]