Atakent
Atakent | |
---|---|
shahar | |
![]() | |
36°24′4″N 34°3′36″E / 36.40111°N 34.06000°E G OKoordinatalari: 36°24′4″N 34°3′36″E / 36.40111°N 34.06000°E G O | |
Mamlakat | Turkiya |
Mintaqa | Mersin viloyati |
Rasmiy til(lar)i | turk |
Aholisi (2012-yil) |
6 049 kishi |
Vaqt mintaqasi | UTC+2:00 |
Pochta indeks(lar)i | 33990 |
|
Atakent Turkiyaning Mersin viloyatidagi shaharcha hisoblanadi.
Geografiyasi[tahrir | manbasini tahrirlash]
Atakent — Silifke tumanidagi Oʻrta yer dengizi sohilidagi shahar, Mersin viloyatining bir qismi hisoblanadi. Shaharning gʻarbida Silifke allyuvial tekisliklari, sharqda esa tepalikli qirgʻoq chizigʻi joylashgan. Shahar D 400 trassasida o'rnashgan. Undan Mersingacha boʻlgan masofa 67 km (42 mi) va Silifkegacha — 15 km (9.3 mi) ni tashkil etadi. Koordinatalar taxminan quyidagicha[1]: 36°23′N 34°08′E / 36.383°N 34.133°E G O. 2012-yilda shaharda o'tkazilgan hisob-kitoblarga ko'ra, shahar alosi 6049 kishi ekanligi aniqlangan.
Tarixi[tahrir | manbasini tahrirlash]
367-375-yillarda − Isauriya Rim viloyatining gubernatori Flavius Uranus tomonidan asos solingan tarixiy Korasion shahri xarobalari shaharning shimoli-sharqida joylashgan. Shimolda ellinistik va Rim davriga oid Qoraqabaklı shaharchasi xarobalari ham topilgan. Yangi shahar aslida 1987-yilda toʻrtta turkman qishlogʻining qoʻshilishi natijasida tashkil topgan. Hozir sobiq qishloqlar shaharning chorak qismini tashkil etadi[2]. Sharqda Susanoğlu kvartali, gʻarbda Kapızlı kvartallari joylashgan.
Iqtisodiyoti[tahrir | manbasini tahrirlash]
Keng qumli plyajlarga ega Atakentdagi asosiy faoliyat turizm hisoblanadi. Pansionatlar va lagerlar, shuningdek, yangi mehmonxonalar va klublar mahalliy sayyohlarni oʻziga jalb qiladi. Qishloq xoʻjaligi, ayniqsa mavsumiy dehqonchilik ham muhim faoliyat turlaridan biri hisoblanadi. Qulupnay kabi mevalar Atakentning mashhur mahsulotlaridandir.
Tarixiy manzilgohlar[tahrir | manbasini tahrirlash]
Atakent orqali shimolga boradigan asfalt yoʻlda joylashgan Turkmenuşağı qishlogʻidan oʻtib, 11 km masofada Pasli shahriga yetib borish mumkin. Bu hududda Rim uylari, sardobalar, qurilishi tugallanmagan ibodatxona va qadimiy qabriston qoldiqlari mavjud. Pasli shahridan 2 km sharqdagi tepalikda Qoʻrqmas podshoh maqbarasi joylashgan. Mahalliy aholi tomonidan Mezgit qal’a nomi bilan mashhur boʻlgan bu inshoot eramizning II-III asrlari Rim davriga tegishlidir. Ushbu monumental qabr mintaqadagi eng ajoyib va eng yaxshi saqlanib qolingan inshoot hisoblanadi. Qabr yodgorligining eng muhim jihati — oldingi minbarning yon devor toshiga oʻyilgan fallus relyefidir. Fallus nasl va hayot xudosi Priapos haqidagi afsonani oʻzida namoyon etadi. Anitzar atrofidagi qoyadan oʻyilgan katta sardoba va zaytun moyi olish uchun ishlatiladigan ulkan tosh silindrni koʻrish mumkin boʻlgan boshqa qoldiqlar ham mavjud. Qolaversa, maqbara orqasida bir necha asrlik eman daraxti o‘yigʻi mavjud bo‘lib, bu kavakka besh kishi bemalol sig‘adi.
Manbalar[tahrir | manbasini tahrirlash]
- ↑ „Atakent, Adıyaman, Turkey“.
- ↑ „Flami̇ngo7 Tati̇l Köyü“. 2010-yil 25-avgustda asl nusxadan arxivlangan. Qaraldi: 2010-yil 16-avgust.