172 kun

172 Days
Rejissyor(lar)	Hadrah Daeng Ratu
Prodyuser(lar)	Chand Parvez Servia; Fiaz Servia;
Ssenariynavis(lar)	Archie Hekagery
Qaysi asarga ; asoslangan	172 Days; –Nadzira Shafa
Rollarda	Yasmin Napper; Bryan Domani; Yoriko Angeline;
Bastakor(lar)	Tya Subiakto
Kinematografiya	Adrian Sugiono
Muharrir(lar)	Aline Jusria
Studiya(lar)	Starvision
Chiqarilgan sanasi	23-noyabr, 2023-yil (Indoneziya); 4-aprel, 2024-yil (Netflix);
Davomiyligi	103 minut
Mamlakat	Indoneziya
Til	Indonez tili

172 kun — Nadzira Shafaning xuddi shu nomdagi romani asosida, rejissyor Hadra Daeng Ratu tomonidan 2023-yilda suratga olingan Indoneziya dramatik filmi. Starvision Plus tomonidan ishlab chiqilgan mazkur filmda Yasmin Napper va Bryan Domani asosiy qahramonlarni gavdalantiradi. 172 kun filmining premyerasi 2023-yil 23-noyabrda kinoteatrlarda boʻlib oʻtgan^[1].

Tavsifi[tahrir | manbasini tahrirlash]

„172 kun“ filmi Zira (Nadzira Shafa) va Amirning sevgi va hijrat sayohati haqida hikoya qiladi. Zira islomdan yiroq muhitda tugʻilib oʻsgan qiz. U tez-tez ziyofatlarga borishni, spirtli ichimliklar ichishni va giyohvand moddalarni isteʼmol qilishni yaxshi koʻradigan doʻstlari davrasida ulgʻayadi.

Keyinchalik Nadzira Shafa hijrat qilishga qaror qiladi va yaxshiroq hayot kechirishni xohlaydi. Nadzira hijrat jarayonidan diniy bilimlarini oshirish va islom dini haqida koʻp narsalarni oʻrganish uchun turli diniy yigʻinlarda ishtirok etadi. Bir kuni Nadzira Shafo oʻqish joyida Amir Azzikra ismli din olimi bilan uchrashib qoladi.

Ziraning keskin oʻzgarishi Amirning eʼtiborini tortadi. Filmda Amir Indoneziyada juda mashhur din peshvosi va voiz, marhum Ustoz Orifin Ilhomning oʻgʻli boʻlib, u dindor, olijanob axloqli yigit sifatida tasvirlanadi.

Amir Ziraga yaqinlasha boshlaydi. Zirani tavba qilishga chorlaydi va unga oila qurish taklifini beradi. Zira Amirning taklifini qabul qiladi va ular turmush qurishadi. Zira va Amirning oilaviy hayoti juda baxtli tarzda kechadi. Ular bir-birlarini sevadilar va qoʻllab-quvvatlaydilar. Amir har doim Ziraga yaxshi musulmon ayol boʻlishida yoʻl-yoʻriq koʻrsatib boradi.

Biroq, ularning baxti uzoqqa choʻzilmaydi. Ogʻir xastalikdan aziyat chekayotgan Amir shifoxonada intensiv davolanishga majbur boʻladi. Zira ham Amirning ogʻir damlarida unga sadoqat bilan hamrohlik qiladi. Nihoyat, Amir juda yoshlik chogʻida — 22 yoshida kasalxonada dunyodan koʻz yumadi. Amirning vafot etishi Zirani chuqur qaygʻuga soladi.

Shunga qaramay, Zira sobitqadamlik bilan Amirning oʻlimini qabul qilishga tayyor boʻladi. Uning fikricha, Amir hozirgi hayotidan koʻra yaxshiroq joyga ketgan^[2].