Yaʼjuj va maʼjuj

Yaʼjuj va maʼjuj — iudaizm, xristianlik va islom dinlarida 2 yovvoyi xalqning nomi. Afsonalarda Ya'juj va Ma'jujlar uzun boʻyli, keng yagʻrinli, baʼzilarining qulogʻi butun gavdasini qoplab turadigan, qiyomat kuni olamni bosib olib, hamma yoqni xarob qiluvchi dahshatli va behisob xalq sifatida tasvirlangan. Qurʼonda (18:94— 98) Zulqarnayn Ya'juj va Ma'jujlar yashaydigan joyga borib, bu xalqlarning yer yuziga yoyilib ketmasligi uchun 2 togʻ oraligʻiga toʻsiq qurdirgani bayon etiladi. Shunga qaramay ular har kecha toʻsiqni teshib oʻtishga harakat qilganlar, lekin Alloh azonda toʻsiqning teshilgan joyini qaytadan oʻz holiga keltirib qoʻygan. Shu sababli Ya'juj va Ma'jujlar toʻsiqni teshib oʻta olmaganlar. Islom rivoyatlariga koʻra, bu xalqlar qiyomat arafasida toʻsiqni teshib oʻtadi, yer yuziga yopirilib, barcha katta daryo va koʻllarning suvini ichib tugatadi, uchragan odamni yanchib, yoʻq qilib yuboradi. Yerni yengib endi samoni yengamiz deyishadi va samoga nayza otadi, uning uchi qon bo'lib tushgani uchun Ya'juj va Ma'jujlar biz osmonni ham yengdik, endi butkul yeru osmonga hukumdormiz deb o'ylashadi va oʻsha kechasi ularga kasallik kelib hamma Ya'ju va Ma'jujlar qirilib ketadi. Jasadlarining hidi shunchalik bad-bo'y ediki, yer yuzida nafas olib bo'lmasdi keyin Iso payg'ambar osmondan tushib xudodan bu hidlarni yoʻqotishini, odamlarga ziyon yetkazayotganini soʻraydi, shunda Alloh ogʻzi tuyaning boʻynidek keladigan qushlarni joʻnatadi, shunda qushlar ularni terib olib Alloh xohlagan joyga tashlaydi, keyin Alloh baraka yoʻmgʻirini yuboradi, juda kuchli yomgʻir yogʻadi, uyalar ham qolmaydi, soʻng yomgʻir tinib, yerga baraka kiradi.Shunaqangi baraka keladiki, bitta anorning poʻstlogʻida 7 kishi soyalanib dam ola oladi.

Havolalalar

• Сухайл Тармахомед. „Яджудж и Маджудж (Гог и Магог)“ (deadlink). Askimam.ru (2012-yil 4-iyun). 2013-yil 25-iyulda asl nusxadan arxivlangan. Qaraldi: 2013-yil 2-iyul.