Zulfiqor

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Zulfiqor qilichining ramziy tasviri

Zulfiqor (arabcha: ذُو ٱلْفَقَار — teshib oʻtuvchi, oʻtkir) — Muhammad (S.A.V.)ning ikki uchli qilichi. Badr jangida qoʻlga tushirilgan. Arabistonda mashhur qilich boʻlgan. U Muhammad (S.A.V.) dan oldin makkalik Munabbih ibn Hajjojga tegishli edi. Muhammad (S.A.V.) vafotidan keyin hazrat Aliga, soʻngra esa xalifalarga oʻtgan. Islom anʼanasida 3. sehrli deb hisoblanadi. Xususan u uzayishi yoki qisqarishi mumkin edi.[1]


Zulfiqor - islom olamidagi eng mashhur qilich

Islomdan avval ham mashhur bo'lgan bu ayri tig'li qilichni makkalik Marzuq as-Saqil ismli usta yasagan. U Rasulullohga o'tgunicha Munabbih ibn Hajjoj degan kimsaga tegishli bo'lgan. Milodiy 624 yilda Badr jangida o'lja qilib olingach, u payg'ambarimizga taqdim qilingan. Payg'ambarimiz vafotlaridan keyin  qilich Hazrati Aliga va u zotning avlodlariga o`tgan. Shiyalar aqidasi bo'yicha esa qilich sirli ravishda avloddan avlodga o'tib, dajjol bilan kurashuvchi Imom Mahdiyning qo'liga o'tadi. Ba'zi sunniylar fikricha esa bu qilich hozirgi kunda Istanbuldagi Topkapi saroyida saqlanmoqda. Rivoyatlarga ko'ra Uhud muhorabasida Ali (r.a) 70 joyidan yaralanganiga qaramay, zulfiqor yordamida, payg'ambarimiz Muhammad ni oxirigacha qo'riqlagan ekan. Shundan keyin: "Alidan o'zga yigit yo'q, zulfiqordan o'zga qilich yo'q" - degan ibora paydo bo'lgani aytiladi. Bu ibora Zulfiqorga ham o'yib yozilgan. Zulfiqor nomidan keyinchalik erkaklar ismi ham kelib chiqqan. Eronda yaratilgan tanklardan biriga ham Zulfiqor nomi berilgan.

Gallireya[tahrir | manbasini tahrirlash]

Manbalar[tahrir | manbasini tahrirlash]

  1. OʻzME. Birinchi jild. Toshkent, 2000-yil