Zhora Harutyunyan

Zhora Harutyunyan
armancha: Ժորա "Գևորգ" Սաղաթելի Հարությունյան
Tavalludi	1928-yil 7-sentyabr Yerevan, Armaniston Sovet Sotsialistik Respublikasi
Vafoti	2002-yil 10-yanvar Yerevan, Armaniston
Fuqaroligi	SSSR va Armaniston
Kasbi	yozuvchi, dramaturg, teatr rejissyori

Zhora „Gevorg“ Saghateli Harutyunyan (armancha: Ժորա "Գևորգ" Սաղաթելի Հարությունյան; 1928-yil 7-sentyabrda Yerevanda tugʻilgan – 2002-yil 10-yanvar Yerevanda vafot etgan) – arman yozuvchisi, dramaturg va teatr rejissyori. „Armanistonning taniqli sanʼat faoli“ unvoni, „Hurmat belgisi“ ordeni, Armaniston Davlat mukofoti, „Gabriel Sundukian“ va „Artavazd“ mukofotlari bilan taqdirlangan. Teatr sohasidagi faoliyati davomida uning birinchi tarafdorlaridan biri Vardan Ajemian boʻlgan.

Harutyunyan koʻplab komediyalar va pyesalar muallifi boʻlib, ular Armanistonda va xorijda sahnalashtirilgan. Shuningdek, Harutyunyan Armaniston dramaturglar uyushmasini boshqargan. SSSR Adabiyot jamgʻarmasining Armaniston boʻlimiga rahbarlik qilgan. Armaniston Yozuvchilar uyushmasi qoʻmitasi aʼzosi boʻlgan.

Yoshlik yillari

Zhora Harutyunyan 1946-yilda Yerevan tibbiyot kollejini, 1962-yilda esa Yerevan tibbiyot institutini tamomlagan.

1950–1965-yillarda Yerevanning turli tibbiyot muassasalarida faoliyat yuritgan. 1964-yilda SSSR adabiy fondi Armaniston boʻlimi poliklinikalariga bosh shifokor etib tayinlangan. 1965-yilda SSSR Adabiyot jamgʻarmasi Armaniston boʻlimi direktori lavozimiga tayinlanib, ushbu lavozimda 1965-yilga qadar xizmat qilgan. Zhora Harutyunyan, shuningdek, Armaniston Yozuvchilar uyushmasining ham aʼzosi edi.

Ishlari

Zhora Harutyunyan koʻplab pyesalar, jumladan, „Patient № 199“, „In the world of flowers“, „Heart Disease“, „Ghazar goes to War“, „Fortunate People“, „Crossroad“, „Your Final Destination“, „It was Sunny June“, „In Our Age“ va boshqa asarlar muallifi hisoblanadi. Uning pyesalari Janubiy Kavkaz, Markaziy Osiyo, Rossiya, Vengriya, Bolgariya kabi sobiq SSSR va Yevropaning turli mamlakatlarida sahnalashtirilgan. 2008-yilning kuzida, Zhora Harutyunyan tavalludining 80 yilligi munosabati bilan, uning soʻnggi asari „Mr. Shmo and Friends“ xalq artisti Yervand Ghazanchyan tomonidan H. Paronyan nomidagi musiqali komediya teatrida sahnalashtirilgan.