Zarina Qurbonova
 | Bu maqolada manbalar <ref></ref> teglariga olinmagan yoki umuman koʻrsatilmagan. |
Zarina Akbarovna Qurbonova (1995-yil 6-mayda tugʻilgan, Navoiy viloyati, Oʻzbekiston) — badiiy gimnastika boʻyicha oʻzbek sportchisi, Oʻzbekiston terma jamoasi aʼzosi, Oʻzbekiston Respublikasining xalqaro darajadagi sport ustasi. 2016-yilgi yozgi Olimpiya oʻyinlari ishtirokchisi, badiiy gimnastika boʻyicha Osiyo chempionati sovrindori.
Zarina Qurbonovaning faoliyati[tahrir | manbasini tahrirlash]
Zarina Qurbonova — 2000-yilda Navoiy shahrida badiiy gimnastika bilan shugʻullanishni boshlagan, 2011-yildan boshlab esa Lyudmila Polivanova Zarina Qurbonovaga murabbiylik qilishni boshlagan. 2011-yilda Montpellier (Fransiya) da boʻlib oʻtgan badiiy gimnastika boʻyicha Jahon chempionatida jami guruh mashqlarida 47.800 ball toʻplab, oʻn sakkizinchi oʻrinni egallagan. 2013-yil Kiyevdagi (Ukraina) badiiy gimnastika boʻyicha jahon chempionatida guruh mashqlarida ishtirok etib, 27.399 ochko jamgʻarib, oʻn toʻqqizinchi oʻrinni egallagan. Toshkentda boʻlib oʻtgan badiiy gimnastika boʻyicha Osiyo chempionatida koʻpkurash mashqlarda qitʼaning bronza medallarini qoʻlga kiritgan. 2014-yilda Zarina guruh mashqlarida Izmir (Turkiya) da boʻlib oʻtgan badiiy gimnastika boʻyicha Jahon chempionatida ishtirok etgan. Ikki mashq yigʻindisi boʻyicha Oʻzbekiston jamoasi 30.116 ball toʻplab, faqat oʻn oltinchi oʻrinni egallagan. 2015-yilda Stuttgart (Germaniya) da boʻlib oʻtgan badiiy gimnastika boʻyicha Jahon chempionatida ikki mashq yigʻindisi boʻyicha guruh mashgʻulotlarida 32.566 ochko jamgʻarib, dunyoda oʻninchi oʻrinni egallagan. Chechxon (Koreya Respublikasi) da badiiy gimnastika boʻyicha Osiyo chempionatida koʻpkurash bilan guruh mashqlarida bronza medalni qoʻlga kiritgan. 2016-yil aprel oyida Rio-De-Janeyro (Braziliya) da oʻtkazilgan Olimpiya test musobaqalari boʻlib oʻtgan, unda Oʻzbekiston jamoasi Zarina bilan 32.832 ball toʻplab, ikkinchi oʻrinni egallagan va shu bilan Olimpiya oʻyinlariga litsenziya olgan. Oʻyin oldidan u Xyuston (AQSh) shahrida jamoa bilan mashgʻulot olib borgan. Braziliyaning Rio-De-Janeyro shahrida boʻlib oʻtgan XXXI yozgi Olimpiya oʻyinlarida guruh mashgʻulotlarida Oʻzbekiston terma jamoasi jami 31.166 ball toʻplab, oʻn ikkinchi oʻrinni egallagan, ammo turnirning final qismiga oʻtmagan. 2016-yili u sport faoliyatini tugatib, Oʻzbekiston gimnastika Federatsiyasida murabbiylik faoliyatini boshlagan.
Havolalar[tahrir | manbasini tahrirlash]
Zarina Qurbonovaning faoliyati (Wayback Machine saytida 2021-08-14 sanasida arxivlangan)