Kontent qismiga oʻtish

Yozef Shumpeter xalqaro jamiyati

Vikipediya, ochiq ensiklopediya

Yozef Shumpeter xalqaro jamiyati (inglizcha: International Joseph Alois Schumpeter Society, ISS) — xalqaro iqtisodiy jamiyat; buyuk avstriyalik iqtisodchi Y.Shumpeter nomi bilan atalgan. Jamiyat 1986-yilda tashkil topgan.

Jamiyat har ikki yilda bir marta xalqaro konferensiyalarni oʻtkazadi. Oldingi konferensiyalar mazkur yillarda boʻlib oʻtgan: 1986-yil — Augsburg; 1988-yil — Siena; 1990-yil — Erli, Virjiniya shtati; 1992-yil — Kioto; 1994-yil — Myunster; 1996-yil — Stokgolm; 1998-yil — Vena; 2000-yil — Manchester; 2002-yil — Gainesvill, Florida shtati; 2004-yil — Milan; 2006-yil — Sofiya Antipolis (Fransiya).

1988-yildan buyon jamiyat Shumpeter mukofotini topshirib keladi.

Jamiyat prezidentlari quyidagilar hisoblanadi: A.Xertye (Niderlandiya, 1986—1988-yillar); F.M.Sherer (AQSh, 1988—1990-yillar); Y.Shinoya (Yaponiya, 1990—1992-yillar); E.Xelmstedter (Germaniya, 1992—1994-yillar); G.Eliasson (Shvetsiya, 1994—1996-yillar); D.Myuller (Avstriya, 1996—1998-yillar); S.Metkalf (Buyuk Britaniya, 1998—2000-yillar); R.Lantsilotti (AQSh, 2000—2002-yillar); F.Malerba[1] (Italiya, 2002—2004-yillar); J.-L.Jaffar (Fransiya, 2004—2006-yillar).

Jamiyatning faxriy prezidentlari: V.Stolper (1986—2002-yillar); R.Nelson (2004-yildan).

Aʼzolari[tahrir | manbasini tahrirlash]

(Qabul qilingan yil qavs ichida koʻrsatilgan).

  • Sikora, Veniamin Dmitrievich (1997)

Manbalar[tahrir | manbasini tahrirlash]

  1. „FRANCO MALERBA - Universita' Bocconi“. 12-avgust 2018-yilda asl nusxadan arxivlangan. Qaraldi: 12-avgust 2018-yil.

Havolalar[tahrir | manbasini tahrirlash]

Jamiyat veb-sayti