Kontent qismiga oʻtish

Yevropa yoshlar hamjamiyati

Vikipediya, erkin ensiklopediya
Budjet €3,500,000
Vebsayti coe.int

Yevropa yoshlar jamgʻarmasi (YYJ; fransuzcha: Fonds Européen pour la Jeunesse, FEJ; olmoncha: Europäisches Jugendwerk, EJW ) – 1972-yilda Yevropa kengashi tomonidan tashkil etilgan jamgʻarma boʻlib, yoshlar va Yevropa yoshlar faoliyatiga moliyaviy va taʼlimiy qoʻllab-quvvatlash koʻrsatadi hamda tashkilotning asosiy qadriyatlarini ilgari suradi[1]. U Strasburgdagi Yevropa yoshlar markazi bilan birgalikda tashkil etilgan boʻlib, Yevropa kengashining yoshlar siyosatini amalga oshirish uchun xizmat qiladi[2]. Uning bosh ofisi Strasburgda joylashgan va yillik byudjeti taxminan 3,5 million yevroni tashkil qiladi[3].

Tarixi

[tahrir | manbasini tahrirlash]

YYJ 1972-yilda dastlab 17 aʼzo davlat bilan tashkil etilgan[4] va 1975-yilda rasmiy faoliyatini boshlagan[5][6], bu paytda anʼanaviy yoshlar tashkilotlari, masalan, kasaba uyushmalari yoki siyosiy partiyalarning yoshlar qanotlari va aʼzolarini yoʻqota boshlagan edi, shu bilan birga madaniy va dam olish xizmatlariga talab oshgan edi[7]. Strasburgdagi Yevropa yoshlar markazi faoliyati bilan birgalikda YYJ Yevropada yoshlar ishlari va siyosatini belgilashda, shuningdek, yoshlar sohasini mustahkamlashda muhim rol oʻynagan. Bu esa 1985-yilda Strasburgda boʻlib oʻtgan Yoshlar uchun masʼul boʻlgan Yevropa vazirlarining birinchi konferensiyasining tashkillashtirilishiga sabab boʻlgan[8].

Dastlabki yillarda, 1988-yilgacha, yoshlar tashkilotlaridan vakillar ishtirok etgan boshqaruv kengashi rasmiy yoshlar ishtirokini taʼminlardi. Bu esa Yevropa Kengashining yoshlar sektorida noyob hamkorlik (birgalikda boshqaruv) tuzilmasini shakllantirdi. 1988-yilda Yevropa kengashi vazirlar qoʻmitasi tomonidan yoshlar sektorini isloh qilish natijasida, YYJ va Yevropa Yoshlar Markazining nodavlat „Boshqaruv kengashlari“ oʻrniga yagona Maslahat qoʻmitasi va hukumat vakillaridan tashkil topgan yangi hukumatlararo qoʻmita – Yevropa yoshlar boʻyicha ruxsat qoʻmitasi (CDEJ) tashkil etildi[9][10].

Dastlab, YYJ asosan yoshlar tashkilotlari tomonidan oʻtkazilgan tadbirlarni moliyalashtirgan, ammo vaqt oʻtishi bilan u kengroq – Yevropa kengashining yoshlar siyosatidagi barcha ishtirokchilarni oʻz ichiga oluvchi loyihalarga, jumladan, hech qanday tashkilotga aʼzo boʻlmagan yoshlar va mahalliy loyihalarga eʼtibor qarata boshladi. 1998-yilda Yevropa Kengashining yoshlar sektoridagi navbatdagi islohoti natijasida YYJ yangi nizomga ega boʻldi[2] va u moliyaviy qoʻllab-quvvatlash dasturini, xususan, janubi-sharqiy Yevropa, mojaroli hududlar va inson huquqlari boʻyicha taʼlim ustuvorliklari bilan bogʻliq tajriba loyihalarini amalga oshira boshladi. 2001-yilda YYJ yiliga taxminan 200 ta loyihani, 10 000 dan ortiq yoshlar ishtirokida moliyalashtirdi va ellikdan ortiq yoshlar tashkilotlariga xalqaro faoliyatini rivojlantirishda yordam koʻrsatdi, jami 2,5 million yevro miqdorida mablagʻ ajratildi[7].

2008-yil iyun oyida Yoshlar boʻyicha dasturlash qoʻmitasi (CPJ) YYJ rivojlanishi boʻyicha maslahatlashuv jarayonini boshlashga rozi boʻldi. Bu 10 yil oldingi islohottan keyin amalga oshdi va undan koʻzlangan maqsad – shaffoflikni, taʼsirchanlikni oshirish hamda tartibni soddalashtirish edi[11]. Ushbu islohotga binoan, 2013-yil 1-yanvardan kuchga kirgan yangi operatsion qoidalar YYJ faoliyatini qayta belgilab berdi. Endilikda uning asosiy yoʻnalishlari xalqaro hamkorlik faoliyatlari, tuzilmaviy grantlar va ad hoc tajriba faoliyatlaridan iborat[12].

Manbalar

[tahrir | manbasini tahrirlash]
  1. ↑ „European Youth Foundation. Supporting Young People in Europe (leaflet)“ (en) (PDF). Council of Europe. Qaraldi: 2020-yil 7-may.
  2. ↑ 2,0 2,1 „Statute of the European Youth Centre and the Statute of the European Youth Foundation“ (en) (PDF). Council of Europe (1998-yil 25-noyabr). Qaraldi: 2020-yil 7-may.
  3. ↑ „European Youth Foundation“ (en) (PPTX). Council of Europe (2019-yil yanvar). Qaraldi: 2020-yil 7-may.
  4. ↑ „Our context, history & background“. Council of Europe. Qaraldi: 2020-yil 7-may.
  5. ↑ „Operational Regulations of the European Youth Foundation“. Council of Europe (1975-yil 29-may). Qaraldi: 2020-yil 7-may.
  6. ↑ „Youth policies in the Council of Europe. Report. (Doc. 9617)“. Council of Europe (2002-yil 4-noyabr). Qaraldi: 2020-yil 7-may.
  7. ↑ 7,0 7,1 Eberhard, Laurence. The Council of Europe and youth – Thirty years of experience (PDF), Strasbourg: Council of Europe, 2002. ISBN 92-871-4976-3. 
  8. ↑ „The participation of young people in political and institutional life, Assembly Recommendation 1019 (Concl(88)415/51)“. Council of Europe (1988). Qaraldi: 2020-yil 7-may.
  9. ↑ Documents (working Papers) 1988 = Documents de Séance 1988 ; Volume VI, Docs. 5945 – 5971.. Strasbourg: Council of Europe, 1988 — 7-bet. ISBN 92-871-1666-0. 
  10. ↑ Documents (working Papers). Volume II. Documents 6037-6058. Strasbourg: Council of Europe, 1989 — 24-bet. ISBN 92-871-1773-X. 
  11. ↑ „8.1 European Youth Foundation (EYF), CM(2011)166“ (en) (PDF). Council of Europe (2012-yil 11-yanvar). Qaraldi: 2020-yil 7-may.
  12. ↑ „Revised operational regulations (2013)“ (en) (PDF). Council of Europe (2013). Qaraldi: 2020-yil 7-may.

Havolalar

[tahrir | manbasini tahrirlash]
 Vikiomborda Yevropa yoshlar hamjamiyati
haqida turkum mavjud 


"https://uz.wikipedia.org/w/index.php?title=Yevropa_yoshlar_hamjamiyati&oldid=5501458" dan olindi