Yazid ibn Abu Kabsha as-Saksakiy

Yazid ibn Abi Kabsha al-SaksakiyYazid ibn Abi Kabsha al-Saksakiy
Shaxsiy maʼlumotlari
Vafoti	715 ; Sind
Ota-onasi	Hayvil ibn Yasar
Qarindoshlari	Ziyad (akasi); Sari ibn Ziyad (jiyani);
Harbiy xizmatlari
Janglari	Xorijiylarga qarshi yurish (698); Vizantiya imperiyasiga qarshi yurish (712/3);

Yazid ibn Abu Kabsha as-Saksakiy (arabcha: يزيد بن أبي كبشة السكسكي‎‎) Қ— arab harbiy qoʻmondoni va Umaviylar xalifaligidagi hokimlardan.

U Abu Kabsha laqabi bilan tanilgan Hayvil ibn Yasarning oʻgʻli bo‘lib, Suriya qabilaviy zodagonlari aʼzosi hamda Ikkinchi fitna davrida Umaviylar tarafdori boʻlgan^[1]. Yazid xalifa Abdulmalik ibn Marvonning sohib ash-shurtasi sifatida xizmat qilgan. 698-yilda Iroqda xorijiylar bilan kurashgan hamda Iroq hokimi al-Hajjoj ibn Yusuf tomonidan Vositdagi shurtaning boshligʻi etib tayinlangan^[2]. 712/713-yilda Vizantiya imperiyasiga qarshi harbiy yurishga boshchilik qildi va 714-yilda Hajjoj vafot etgandan so‘ng, qisqa muddat davomida uning oʻnini egallagan holda Iroq hokimi lavozimini bajargan^[2]. Xalifa Sulaymon ibn Abdulmalik (715—717-yillarda hukmronlik qilgan) uni Sindga joʻnatgan. U yerga yetib kelgach, Yazid amaldagi hokim Muhammad ibn Qosimni lavozimidan chetlatib, qamoqqa tashlatgan. Biroq, Yazid Sindga kelganidan ko‘p o‘tmay vafot etgan^[2].

Uning Ziyad ismli akasi boʻlgan, u haqida biror maʼlumot mavjud emas. Biroq jiyani Sari ibn Ziyad Uchinchi fitna paytida yamanparast yetakchilar safida boʻlgan^[2].

Adabiyotlar

Crone, Patricia. Slaves on horses: the evolution of the Islamic polity. Cambridge and New York: Cambridge University Press, 1980. ISBN 0-521-52940-9.

Manbalar

↑ Crone 1980, ss. 95–96.
↑ ^2,0 ^2,1 ^2,2 ^2,3 Crone 1980, s. 96.

[FOOTNOTECrone198095–96-1] Crone 1980, ss. 95–96.

[FOOTNOTECrone198096-2] 2,0 ^2,1 ^2,2 ^2,3 Crone 1980, s. 96.

[1]

[2]