Yangibozor tabiat yodgorligi

Yangibozor tabiat yodgorligi — Xorazm viloyati Yangibozor tumanida, Urganch shahridan 25 km uzoqlikda, Amudaryo boʻyida, Kechakbobo qabristoni atrofida joylashgan. Mazkur tabiat yodgorligi dengiz sathidan 64-67 metr balandlikda joylashgan.

Tashkil etish

„Yangibozor“ tabiat yodgorligi Xorazm viloyati Yangibozor tuman hokimiyatining 2003-yil 5-maydagi 738-son (136 ha (1.36 km²; 0.53 mi²)), 2004-yil 4-fevraldagi 819-son (113.2 ha (1.132 km²; 0.437 mi²)), 2004-yil 7-avgustdagi 853-son (120 ha (1.2 km²; 0.46 mi²)) va 2004-yil 17-apreldagi 1155-son (1,211 ha (12.11 km²; 4.68 mi²)) qarorlari bilan tashkil etilgan.

Maydoni

Hudud maydoni 4,903 ha (49.03 km²; 18.93 mi²) dan iborat. Bugungi kundagi yer maydoni 4,707 ha (47.07 km²; 18.17 mi²)ni tashkil etadi. Tabiat yodgorligining asosiy vazifasi Amudaryo daryosining qirgʻoq qismidagi koʻl-toʻqay majmuasini saqlab qolishdan iboratdir.

Tavsifi

Tabiiy yodgorlik sobiq „Yangibozor“ ovchilik xoʻjaligi hududida yaratilgan va toʻgʻonlar bilan ajratilgan toʻrtta koʻldan tarkib topgan. Koʻllar qisman botqoq oʻsimliklari bilan qoplangan va suv qushlari yashashi uchun qulay joy hisoblanadi.

Har bir koʻl joylashgan yer maydonining oʻz egasi mavjud. Har bir yerdan foydalanuvchi shaxs tuman hokimligi qaroriga asosan oʻzining „tabiat yodgorligini“ himoya qilishga majburdir.

Hayvonot olami tavsifi

Tabiat yodgorligining hayvonot dunyosi asosan, o‘rdaklar va baliqlarning bir nechta turlaridan tarkib topgan.

Foydalanish

Hozirgi kunda hududning asosiy qismida „Milliy bogʻ“ tashkil etilgan. Tabiat yodgorlik hududidan mahalliy baliqchilar qarmoq bilan baliq ovlash, shuningdek dam olish uchun foydalanadilar. Bu hudud koʻpgina qush turlarini koʻpaytirish uchun muhim ahamiyatga ega boʻlgan makon hisoblanadi.

Yana qarang

Oʻzbekistondagi qoʻriqxonalar