Xalqaro bolalarni asrash ittifoqi

Xalqaro Bolalarni asrash ittifoqi (fransuzcha: L’Union Internationale de Secours aux Enfants) – bu 1920-yilda Jenevada tashkil etilgan, bolalar farovonligiga oid xalqaro tashkilotlar ittifoqi boʻlib, unga Eglantayn Jebb va uning opasi Doroti Bakston asos solgan. Ular bir yil avval Buyuk Britaniyada „Save the Children“ (Bolalarni asraylik) tashkilotiga ham asos solgan edilar. Bu ittifoq dunyoning eng chekka burchaklarigacha yetib boradigan kuchli xalqaro tashkilot yaratish maqsadida tashkil etilgan edi.

Harakatga Xalqaro Qizil Xoch Qoʻmitasi homiylik qilgan boʻlib, Kengash tarkibiga ushbu tashkilotning ikki taniqli aʼzosi, jumladan Bosh kotibi Etienne Clouzot ham kirgan. Bu harakat Dastlab Birinchi Jahon urushidan keyin Yevropadagi bolalar azob-uqubatlariga qarshi kurashayotgan turli mamlakatlardagi tashkilotlarni birlashtirgan.

1923-yilda harakat Bola huquqlari deklaratsiyasini qabul qilishga rozi boʻldi va keyinchalik uni qoʻllab-quvvatlab targʻib qildi. Ushbu deklaratsiya keyingi yili Millatlar Ligasi tomonidan qabul qilindi.

1946-yilda bu harakat 1921-yilda Bryusselda tashkil etilgan Bolalar farovonligini targʻib qilish boʻyicha xalqaro assotsiatsiya bilan birlashib, Bolalarni himoya qilish boʻyicha xalqaro ittifoqni (fransuzcha: Union internationale de protection de l’enfance) tashkil etdi.

1977-yilda bir qator Bolalarni asrash tashkilotlari oʻzlarining xalqaro himoya va targʻibot ishlarini muvofiqlashtirish maqsadida Xalqaro Bolalarni asrash hamkorligini tuzdilar. Bu hamkorlik 1997-yilda Xalqaro bolalarni asrash tashkiloti deb oʻzgartirildi.

1986-yilda Bolalarni himoya qilish boʻyicha xalqaro ittifoqning Bosh kengashi tashkilotni tugatish boʻyicha ovoz berdi. Buning sababi sifatida moliyaviy boshqaruvdagi muammolar koʻrsatilgan. Tashkilotning hujjatlari va undan oldingi tashkilotlarga tegishli materiallar Jeneva kantoni arxiviga topshirilgan.

Havolalar

La Déclaration de Genève (in french)^[Usurped!]