Windows 11

Vikipediya, ochiq ensiklopediya
Jump to navigation Jump to search
Operatsion tizim
Windows 11
Windows 11 logo.svg
Win11ScreenshotMenu.png
Ishlab chiquvchi Microsoft
OT oilasi Windows NT
Negizi Windows 10
Negiz kodi yopiq
ayrim ilovalari ochiq manba kodli
Ilk e’lon qilinishi 24-iyun, 2021-yil
Soʻnggi versiyasi 10.0.22000.194[1]
So’nggi test versiyasi 10.0.22000.194[1]
Yangilanish uslubi Windows Update
Microsoft Store
ISO fayli orqali
Qo’llash tillari 110 ta (jumaladan oʻzbek tilini ham qoʻllaydi)
Qo’llaydigan platformalari x86-64
ARM64
Yadro tipi gibrid (Windows NT yadrosi asosida)
Interfeys Windows shell (GUI)
Litsenziya EULA
Holati faol
Oldingisi Windows 10 (2015)
Veb sayt microsoft.com/windows/windows-11

Windows 11Windows 10 operatsion tizimining davomchisi hisoblanib, Microsoft tomonidan Windows NT oilasiga mansub boʻlgan shaxsiy kompyuterlar uchun operatsion tizimdir. Uning ilk taqdimoti 2021-yil 24-iyunda boʻlib oʻtdi. Windows 11 2021-yil 5-oktyabrda Windows 10 bilan ishlaydigan muvofiq qurilmalar uchun Windows Update orqali bepul yangilanish sifatida chiqarildi[2].

Ishlab chiqish tarixi[tahrir]

Windows 10 operatsion tizimi chiqarilgandan soʻng, Microsoft bu «Windowsning soʻnggi versiyasi» boʻlishini aytdi[3][4]. Operatsion tizim vaqt oʻtishi bilan yangi tuzilmalar va yangilanishlar chiqarilishi kerak boʻlgan xizmat deb qaraldi. Biroq, Windowsning yangi versiyasi yoki qayta ishlab chiqilishi haqidagi taxminlar 2021-yil yanvar oyida, Microsoft tomonidan «Windowsni vizual yoshartirishi»ga tegishli ish roʻyxati eʼlon qilinganidan keyin paydo boʻldi[5]. Xabar qilinishicha, «Sun Valley» (Quyoshli oʻlka) kod nomi ostida ishlab chiqilgan Windows uchun vizual yangilanish tizim foydalanuvchi interfeysini qayta loyihalashtirishga moʻljallangan[6]. 2021-yil 15-iyunda Internet tarmogʻida Windows 11 operatsion tizimining taxmin qilingan beta versiyasi haqida maʼlumotlar paydo boʻldi. Unda ishlab chiqish bekor qilingan Windows 10X interfeysiga oʻxshash interfeys, shuningdek Windows 11 uchun qayta ishlangan koʻrinish va savdo belgisi namoyish etildi[7].

Microsoft Build 2021 dasturchilar konferentsiyasida Microsoft bosh direktori Satya Nadella Windowsning keyingi avlodi haqida soʻz yuritdi. U bir necha oydan beri yangi operatsion tizim ustida ishlanayotganligi hamda yaqin orada uning rasmiy taqdimoti boʻlishini aytdi[8]. Nadella nutqidan bir hafta oʻtib, Microsoft Windowsning 2021-yil 24-iyunga rejalashtirilgan tadbiriga taklifnoma yuborishni boshladi[9][10]. 21-iyun kuni Microsoft Windows 11 ustida ishlayotganligi haqidagi xabarlar tarqaldi.

24-iyun kuni Microsoft Windows 11 rasmiy taqdimotini oʻtkazdi. Tadbir 11:00 (Nyu-York vaqti bilan), 16:00 (Toshkent vaqti bilan)da boshlandi. Unda bolgʻusi operatsion tizim yangiliklari namoyish etildi.

Funksiyalari[tahrir]

Foydalanuvchi interfeysi va dizayni[tahrir]

Tizim Microsoft Fluent Design koʻrsatmalariga muvofiq yangilangan foydalanuvchi interfeysiga ega; butun tizimda shaffoflik, soyalar va yumaloq burchaklarga ega ekanligi bilan ajralib turadi[11]. Qayta ishlangan Ishga tushirish («Pusk») menyusi joriy etildi, u vazifalar paneli oʻrtasida joylashgan (lekin uni avvalgidek joylashtirish mumkin), jonli plitkalar mavjud emas. Vazifalar paneli ham markazlashtirilgan va soddalashtirilgan[7]. Windows 10ʼda ilgari taqdim etilgan Vazifalarni koʻrish funksiyasi yangilangan dizayn asosida ishlab chiqilgan. Shuningdek yangi tizim ikonkalari, tovushlar va vidjetlar qoʻshilgan[12].

Windows 11 yangilangan Segoe UI Variable shriftini oʻz ichiga oladi. Shrift oldingi Segoe UI shriftida hisobga olinmagan zamonaviy yuqori DPI displeylarini qoʻllab-quvvatlashga moʻljallangan[13].

Ishlab chiquvchilar Windows 11ʼda fon vazifalari bilan ishlashni yaxshiladilar, bu esa uni avvalgidan koʻra tezroq va samaraliroq ishlashini taʼminlashga olib keladi.

Kirish va oʻchirish ekranlari uchun standart koʻk rang sxemasi qora rang bilan almashtirildi. «Oʻlik koʻk ekran» (BSOD) ham qora rangga oʻzgartirilgan[14].

Vidjetlari[tahrir]

Vazifalar panelidagi tugmani bosish orqali vidjet paneli mavjud. Vidjetlar MSN xizmatidan yangiliklar, sport, ob-havo hamda moliyaviy maʼlumotlarni koʻrsatib boradi[15][16].

Tizim talabnomasi[tahrir]

Windows 11 faqat 64 bitli versiyada taqdim etiladi. Eʼlon qilingan vaqtda minimal tizim talablari: ikki yoki undan koʻp yadroli 1 gigagertsli protsessor, 4 GB tezkor xotira (DDR), 64 GB ichki xotira hamda DirectX 12/WDDM (Windows Display Driver Model) 2.xʼni qoʻllab-quvvatlovchi video karta boʻlishi lozimligi aytilgan.

Manbalar[tahrir]

  1. 1,0 1,1 (unspecified title)
  2. „Panay, Panos (October 4, 2021). "Windows 11: A new era for the PC begins today". Windows Experience Blog. Retrieved October 4, 2021.“(ingl.).
  3. „Windows forever: Windows 10 builds will continue even after Microsoft ships it“(ingl.). PCWorld (30-Aprel 2015-yil). Qaraldi: 16-Iyun 2021-yil.
  4. „Windows 10 Takes Its Place as Microsoft's 'Forever OS' -- Redmondmag.com“(aniqlanmagan). Redmondmag. Qaraldi: 16-Iyun 2021-yil.
  5. Warren. „Microsoft planning ‘sweeping visual rejuvenation of Windows’“(ingl.). The Verge (4-Yanvar 2021-yil). Qaraldi: 16-Iyun 2021-yil.
  6. „Everything we know about Windows' big Sun Valley release so far“. Windows Central (3-Iyun 2021-yil). Qaraldi: 16-Iyun 2021-yil.
  7. 7,0 7,1 „Windows 11 Build Leaks, Shows a New Desktop UI, Start Menu, and More“. reviewgeek (15-Iyun 2021-yil).
  8. „Satya Nadella teases major updates coming soon to Windows during Build 2021 keynote“. Windows Central (25-May 2021-yil).
  9. „Microsoft to reveal its next generation of Windows on June 24th“. The Verge (2-Iyun 2021-yil).
  10. „Microsoft Windows Event - Watch the June 24 LIVE stream“. Microsoft (2-Iyun 2021-yil).
  11. „Windows 11 Leaks Indicate a Dramatic New Look Is Coming Soon“(aniqlanmagan). Gizmodo. Qaraldi: 16-Iyun 2021-yil.
  12. „Leak Shows Off 'Windows 11' Ahead of Next Week's Microsoft Event“(ingl.). PCMAG. Qaraldi: 16-Iyun 2021-yil.
  13. „Windows 11 features already in preview: Everything you can try right now“(aniqlanmagan). xda-developers (18-Iyun 2021-yil). Qaraldi: 21-Iyun 2021-yil.
  14. Tom Warren. „Microsoft’s Blue Screen of Death is changing to black in Windows 11“(ingl.). The Verge (1-Iyul 2021-yil). Qaraldi: 3-Iyul 2021-yil.
  15. Tom Warren. „Windows 11 leak reveals new UI, Start menu, and more“(ingl.). The Verge (15-Iyun 2021-yil). Qaraldi: 19-Iyun 2021-yil.
  16. „Windows 11 has a new 'Widgets' panel that replaces News & Interests“. Windows Central (16-Iyun 2021-yil). Qaraldi: 19-Iyun 2021-yil.