Volodimir Rafeyenko

Volodimir Rafeyenko
Tavalludi	25-noyabr 1969-yil (1969-11-25) Donetsk, Ukraina SSR, SSSR
Ijod qilgan tillari	rus va ukrain tillari
Fuqaroligi	SSSR Ukraina
Taʼlimi	Donetsk milliy universiteti
Yoʻnalish	sheʼriyat, nasr
Faoliyat yillari	1992—h. v.

Volodimir Volodimirovich Rafeyenko (ukraincha: Володимир Володимирович Рафєєнко; 1969-yil 25-noyabr, Donetsk) – rus va ukrain tillarida yozgan ukrainalik shoir va nosir. Rossiya mukofoti laureati.

Hayoti

Donetsk milliy universitetini (rus filologiyasi va madaniyatshunosligi) tamomlagan. „BAO,“ „Kassiopeya“ nashriyotlarida muharrir boʻlib ishlagan. „Mnogotochiye“ jurnali muharriri yordamchisi; ilmiy-ommabop va amaliy xarakterdagi kitoblar, detektivlar muallifi va tuzuvchisi. Ijod namunalari 1992-yilda mintaqaviy matbuotda chop etila boshlangan. Birinchi kitobini 1998-yilda chiqargan. Urush boshlanishidan oldin Donetskda yashagan, shundan soʻng Kiyevga koʻchib oʻtgan.

2018-yilda ijodda ukrain tiliga oʻtish qarorini eʼlon qilgan va bu haqda „Rossiya men ukrain tilida yozishni boshlashim uchun koʻp kuch sarflashiga toʻgʻri keldi“ sarlavhali intervyusida maʼlum qilgan. Rafeyenkoning birinchi ukraincha kitobi – „Mondegrіn. Pіsnі pro smert і lyubov“ kitobi 2019-yilda nashr etilgan va adabiy tanqidchilarning baholariga sazovor boʻlgan: xususan, shoir va nosir Oleg Kotsarev kitobni „bosqichli va yorqin“ deb baholagan, bu esa Ukraina adabiyotida „oʻziga xos yozuvchi, mohir stilist“ paydo boʻlganidan dalolat bergan.

Ijodi

Nasr

Romanlari:

• „Kratkaya kniga proshaniy“ (Nord-Press, Donesk, 2000);

• „Kanikuli magov“ („Donechchina“, 2005);
• „Nevozvratnie glagoli“ (Nord-Press, Donesk 2009);
• „Moskovskiy divertisment“ („Znamya“ № 8, 2011);
• „Leto naprolyot“ („Znamya“, 2012);
• „Demon Dekarta“ (2013) ;
• „Dolgota dney“ („Fabula“, Xarkov, 2017);
• „Mondegrіn. Pіsnі pro smert і lyubov“ (Meridian Czernowitz, Chernovsi, 2019)

Hikoyalari „Antologiya strannogo rasskaza“ (Donetsk: STEP-Mnogotochie, 1999), „ENTER. Kniga doneskoy prozi“ (Donetsk, 2001), „Bolshoy fontan odesskogo yumora“ (EKSMO, 2009) toʻplamlariga kiritilgan.

„Flyagrum“ nasriy sheʼrining muallifi („Noviy Mir“ № 1, 2011).

Sheʼriyat

Sheʼriy toʻplamlari:

• „Tri dnya sredi nedeli“ (Donesk, 1998);
• „Chastniy sektor“ (Donesk, 2002);
• „Perevodi cherez dorogu“ (Donesk, 2003).

Sheʼrlari „Osvobojdyonniy Uliss“ antologiyasiga kiritilgan (Moskva, 2004). „Noviy mir“, „Znamya“, „Soti“, „Chernovik“, „Grani“, „Soyuz pisateley“, "Vozdux ", „Vizantiyskiy angel“, „Fontan“, „Magazin Jvaneskogo“, „Kreshatik“, „Solnechnoye spleteniye“, „Mnogotochiye“, „Chetire leni“ va „Rodomisl“, „Dikoye pole“ jurnal va almanaxlarida nashr etilgan.