Kontent qismiga oʻtish

Vincenzo Montella

Vikipediya, erkin ensiklopediya
Vincenzo Montella
Montella Milan murabbiyligida (2016-yil)
Shaxsiy maʼlumot
Toʻliq ismi Vincenzo Montella[1]
Tavallud sanasi 18-iyun 1974-yil (1974-06-18) (51 yosh)
Tavallud joyi Pomigliano d'Arco, Italiya[2]
Boʻyi 1.72 m
Ampluasi Strayker
Klub maʼlumoti
Joriy klub
 Turkiya (bosh murabbiy)
Yoshligida aʼzo boʻlgan klublar
1986—1990 Empoli
Professional faoliyati*
Yillar Jamoa Isht. (Gol.)
1990—1995 Empoli 51 (27)
1995—1996 Genoa 34 (21)
1996—1999 Sampdoria 83 (54)
1999—2009 Roma 192 (83)
2007 →  Fulham 10 (3)
2007—2008 →  Sampdoria 13 (4)
Total 383 (192)
Milliy terma jamoa
1999—2005 Italiya 20 (3)
Boshqargan klublari
2009—2011 Roma U15
2011 Roma (interim)
2011—2012 Catania
2012—2015 Fiorentina
2015—2016 Sampdoria
2016—2017 Milan
2017—2018 Sevilla
2019 Fiorentina
2021—2023 Adana Demirspor
2023— Turkiya
*Professional klublardagi gollari (ichki chempionat)

Vincenzo Montella (1974-yil 18-iyunda tugʻilgan) – italiyalik futbol murabbiyi va sobiq futbolchi hisoblanadi. Futbolchilik faoliyati davomida hujumchi pozitsiyasida oʻynagan. U ayni paytda Turkiya milliy futbol terma jamoasining bosh murabbiyi lavozimida faoliyat yuritmoqda.

Montellaning futbolchilik faoliyatidagi laqabi „Aeroplanino“ edi. Bu uning past boʻyi va gol urganidan soʻng qoʻllarini qanot kabi yoyib nishonlashiga ishora qilardi[3]. Sermahsul hujumchi[4][5][6][7][8] sifatida tanilgan Montella oʻz karyerasi davomida Italiyaning „Empoli“, „Jenoa“, „Sampdoriya“ va „Roma“ jamoalarida, shuningdek, qisqa muddat Angliyaning „Fulham“ klubida ijara asosida toʻp surgan. Vincenzo asosan „Roma“dagi faoliyati (1999—2007) bilan xotiralarda qolgan. Bu davrda u jamoa bilan 2000-01-yilgi mavsumida A Seriya chempionligi va Italiya Superkubogini qoʻlga kiritgan, keyinchalik esa 2003-yilda Italiya kubogi finaliga qadar yetib borgan. 2013-yilda Montella „Roma“ faxriylar zaliga kiritilgan[9]. Xalqaro maydonda u 1999—2005-yillar oraligʻida Italiya terma jamoasi safida 20 ta oʻyin oʻtkazib, uchta gol urgan. U UEFA Yevro-2000 finaliga yetib borgan Italiya terma jamoasi tarkibida boʻlgan va 2002-yilgi FIFA Jahon chempionatida ham oʻz vatani sharafini himoya qilgan.

Montella murabbiylik faoliyatini 2011-yilda „Roma“ klubining vaqtinchalik bosh murabbiyi sifatida boshlagan. Navbatdagi mavsumda esa „Kataniya“ klubida murabbiylik qilgan. 2012-yilda u „Fiorentina“ klubiga oʻtib, u yerda murabbiy sifatida uch mavsumni oʻtkazgan. Bu davrda jamoa bilan ketma-ket uch marta chempionatda toʻrtinchi oʻrinni egallagan, 2014-yilda Italiya kubogi finaliga chiqqan hamda 2015-yilda UEFA Yevropa ligasi yarim finaliga qadar yetib borgan. 2015-16-yil „Sampdoriya“ jamoasidagi bir mavsumlik faoliyatidan soʻng, 2016-yilda „Milan“ning bosh murabbiyi etib tayinlangan va oʻsha yili jamoa bilan murabbiy sifatida ilk bor Italiya Superkubogini qoʻlga kiritgan. Vincenzo 2017-yilda „Milan“ jamoasidan boʻshatilgach, Ispaniyaning „Sevilla“ jamoasiga bosh murabbiy etib tayinlandi. Ispaniya Qirol kubogi finaliga chiqish va klub tarixida birinchi marta Chempionlar ligasi chorak finaliga yetib borish kabi yutuqlarga erishgan boʻlsa-da, u lavozimga tayinlanganidan toʻrt oy oʻtib, toʻqqizta oʻyinda gʻalaba qozona olmagani sababli „Sevilla“ rahbariyati tomonidan isteʼfoga chiqarilgan. U 2019-yilda „Fiorentina“ga qaytdi va ikkinchi bor bu jamoada sakkiz oydan ortiq faoliyat yuritdi. 2021—2023-yillar davomida Turkiya Superligasi ishtirokchisi „Adana Demirspor“ jamoasini boshqarganidan soʻng, 2023-yil sentyabrida Turkiya milliy terma jamoasiga bosh murabbiy etib tayinlangan. Montella jamoani UEFA Yevro-2024 musobaqasiga chiqishiga yordam bergan.

Futbolchilik karyerasi

[tahrir | manbasini tahrirlash]

Vinchenso Montella professional faoliyatini 1990-yilda Empoli klubida boshlagan. U bu jamoa safida Italiya C seriyasida toʻp surgan. 1995-yilda u Genoa klubiga oʻtadi va birinchi mavsumidayoq 21 ta gol urib, yuqori darajadagi hujumchi sifatida tanila boshlaydi. Shundan soʻng, u A Seriya vakili boʻlgan Sampdoria klubiga oʻtadi. Montella 1997 va 1998-yillarda ketma-ket ikki mavsumda jamoaning asosiy toʻpurari boʻlgan. Umuman olganda, u „genuyaliklar“ safida 83 ta oʻyinda ishtirok etib, 54 ta gol kiritgan. 1999-yilda Sampdoria B Seriyaga tushib ketganidan soʻng, Montella Roma klubiga 25 million yevro evaziga transfer qilinadi. Rim klubidagi ilk mavsumida u 18 ta gol uradi va ayniqsa „Rim derbisi“da Latsio darvozasiga ikkita gol kiritib, muxlislar mehrini qozonadi. U Franchesko Totti va Marko Delvekkio bilan hujum uchligini tashkil etgan. 2000/01-yilgi mavsumda Montella 13 ta gol urib, Romaning A Seriya chempionligini qoʻlga kiritishida muhim rol oʻynagan.

2003/04-yilgi mavsumda u jarohatlari sababli kam oʻyin oʻtkazadi, ammo 2004/05-yilgi mavsumda yana yuqori formaga qaytadi va 37 oʻyinda 21 ta gol uradi. 2005/06-yilgi mavsumda esa jarohatlar sababli ikkita operatsiyani boshdan kechiradi va butun mavsum davomida atigi 13 oʻyinda ishtirok etadi. 2007-yilning 4-yanvarida Montella Angliyaning Fulham klubiga ijaraga beriladi. U debyut uchrashuvida Lester Siti darvozasiga ikki gol kiritadi va keyingi oʻyinlarda ham gollar urishda davom etadi. 2007-yil 13-yanvarda u West Hamga qarshi oʻyinda Angliya Premyer Ligasida ilk bor maydonga tushadi. 20-yanvar kuni esa Tottenhem darvozasiga penaltidan gol urib, chempionatlardagi hisobini ochadi. Ketma-ket uch oʻyinda toʻrtta gol urgan Montella Fulhem muxlislarining sevimlisiga aylanadi. 8-may kuni ijara muddati yakunlanib, u Romaga qaytadi.

2007/08-yilgi mavsumni u yana ijara asosida Sampdoriya klubida oʻtkazadi. 2008/09-yilgi mavsumda Romaga qaytgan Montella 2009-yil 2-iyulda futbolchilik faoliyatini yakunlaganini eʼlon qiladi.

Terma jamoadagi faoliyati

[tahrir | manbasini tahrirlash]

Montella Italiya terma jamoasidagi debyutini 1999-yilda Uelsga qarshi oʻtkazgan. U 2000-yilgi Yevropa chempionati va 2002-yilgi jahon chempionatida Italiya safida maydonga tushgan. Umuman olganda, Montella terma jamoa safida 20 ta oʻyinda ishtirok etib, 3 ta gol kiritgan.

Murabbiylik faoliyati

[tahrir | manbasini tahrirlash]

Roma

[tahrir | manbasini tahrirlash]
Montella 2010-yil

2009-yilning 2-iyulida Montella Roma bilan uch yillik shartnoma imzolaydi. Shartnoma shartlariga koʻra u dastlab Romaning 15 yoshgacha futbolchilaridan tashkil topgan Giovanissimi Nazionali jamoasini boshqaradi.

2011-yilning 21-fevralida Montella Klaudio Ranyeri oʻrniga Roma bosh murabbiyi etib tayinlanadi. 23-fevral kuni murabbiylik postidagi ilk oʻyinini chempionat doirasida Bolnyaga qarshi oʻtkazadi. De Rossining goli evaziga uchrashuvda Roma gʻalaba qozongan. Klub amerikalik tadbirkorlar qoʻliga oʻtgach Montella jamoani tark etadi.

Kataniya

[tahrir | manbasini tahrirlash]

2011-yilning iyunida Kataniya jamoasi bosh murabbiyi boʻladi. Shartnoma ikki yilga moʻljallangan edi. Biroq 2012-yilda jamoani tark etadi.

Fiorentina

[tahrir | manbasini tahrirlash]

2012-yil 11-iyunida Montella Fiorentina bosh murabbiyi etib tayinlanadi. U jamoani 13- oʻrindan 4-oʻringa olib chiqadi va mavsum yakunida Yevropa ligasi yoʻllanmasini qoʻlga kiritadi. Yevropa ligasida Fiorentina yarim finalgfa qadar yetib boradi. 2015-yilda Montella klub rahbarlari bilan munosabatlari yomonlashib, jamoani tark etadi.

Sampdoriya

[tahrir | manbasini tahrirlash]

2015-yilda Montella oʻzining qadrdon jamoasi Sampdoriyaga bosh murabbiy boʻladi. Bir yildan soʻng u jamoani tark etadi.

Milan

[tahrir | manbasini tahrirlash]

2016-yili Montella Milan bosh murabbiyi etib tayinlanadi. Rossonerilar buning uchun Sampdoriyaga 1,1 million tovon puli toʻlaydi. Oʻzining ilk mavsumida u Milan bilan Italiya superkubogini qoʻlga kiritadi. A Seriyada 6-oʻrinni egallagan jamoa Yevropa Ligasi yoʻllanmasini qoʻlga kiritadi. 2017-yilning 27-noyabrida muvaffaqiyatsiz natijalardan soʻng jamoani tark etadi.

Sevilya

[tahrir | manbasini tahrirlash]

2017-yilning 28-dekabrida Montella Ispaniyaning Sevilya jamoasi murabbiylik postiga keladi. Shartnoma 2019-yil oxirigacha moʻljallandi. Uning qoʻl ostida jamoa 28 oʻyinda maydonga tushib 11 gʻalaba, 7 durrang va 10 magʻlubiyat qayd etadi.

Fiorentina

[tahrir | manbasini tahrirlash]

2019-yilning 10-aprelida Montella yana Fiorentinaga qaytadi. Biroq 21-dekabrda Romaga qarshi 1-4 hisobidagi magʻlubiyatdan soʻng jamoani tark etadi.


Faoliyat statistikasi

[tahrir | manbasini tahrirlash]

Klub

[tahrir | manbasini tahrirlash]
Klub, mavsum va musobaqalar boʻyicha ishtirok va gollar[10][11][12]
Klub Mavsum Liga Milliy kubok[a] Yevropa Boshqa Jami
Divizion Oʻyinlar Gollar Oʻyinlar Gollar Oʻyinlar Gollar Oʻyinlar Gollar Oʻyinlar Gollar
Empoli 1990–91 Serie C1 1 0 — — — 1 0
1991–92 7 4 — — — 7 4
1992–93 13 6 — — — 13 6
1993–94 0 0 — — — 0 0
1994–95 30 17 — — — 30 17
Jami 51 27 — — — 51 27
Genoa 1995–96 Serie B 34 21 1 2 — 5[izoh 1] 5 40 28
Sampdoria 1996–97 Serie A 28 22 2 2 — — 30 24
1997–98 33 20 4 1 2[izoh 2] 0 — 39 21
1998–99 22 12 1 1 6[izoh 3] 3 — 29 16
Jami 83 54 7 4 8 3 — 98 61
Roma 1999–2000 Serie A 31 18 3 0 7[izoh 2] 3 — 41 21
2000–01 28 13 2 2 8[izoh 2] 3 — 38 18
2001–02 19 13 0 0 6[izoh 4] 1 1[b] 1 26 15
2002–03 29 9 5 2 11[izoh 4] 0 — 45 11
2003–04 11 5 0 0 3[izoh 2] 0 — 14 5
2004–05 37 21 6 1 3[izoh 4] 1 — 46 23
2005–06 13 1 0 0 3[izoh 2] 1 — 16 2
2006–07 12 3 2 3 3[izoh 4] 0 0 0 17 6
2008–09 12 0 1 0 2[izoh 4] 0 0 0 15 0
Jami 192 83 19 8 46 9 1 1 258 101
Fulham (ijara) 2006–07 Premyer-liga 10 3 5 3 — — 15 6
Sampdoria (ijara) 2007–08 Serie A 13 4 0 0 5[izoh 2] 1 — 18 5
Umumiy statistika 383 192 32 17 59 16 6 6 480 228
  1. ↑ Includes Coppa Italia, FA Cup
  2. ↑ Appearance in Supercoppa Italiana
  1. ↑ Appearances in Anglo-Italian Cup
  2. ↑ 2,0 2,1 2,2 2,3 2,4 2,5 Appearances in UEFA Cup
  3. ↑ Appearances in UEFA Intertoto Cup
  4. ↑ 4,0 4,1 4,2 4,3 4,4 Appearances in UEFA Champions League

Xalqaro

[tahrir | manbasini tahrirlash]
Italiya[13]
Yil Oʻyinlar Gollar
1999 2 0
2000 5 0
2001 4 1
2002 7 2
2003 – –
2004 1 0
2005 1 0
Jami 20 3

Terma jamoada urgan gollari

Hisoblar va natijalar Italiyaning gollari sonini birinchi oʻrinda koʻrsatadi[13].
№ Sana Stadion Raqib Hisob Natija Musobaqa
1. 25 April 2001 Stadio Renato Curi, Perugia, Italiya  Janubiy Afrika 1–0 1–0 Oʻrtoqlik
2. 27 March 2002 Elland Road, Leeds, Angliya  Angliya 1–1 2–1 Oʻrtoqlik
3. 2–1

Murabbiylik statistikasi

[tahrir | manbasini tahrirlash]
2025-yil 7-sentyabrda bo‘lib o‘tgan o‘yin holatiga koʻra
Jamoalar boʻyicha murabbiylik natijalari
Jamoa Mamlakat Tayinlangan Ishdan boʻshatilgan Record Man
Oʻ Gʻ D M UG OʻG GF Gʻal %
Roma (vazifasini bajaruvchi) Italiya 2011-yil 21-fevral 2011-yil 1-iyun 16 7 4 5 22 21 +1 043,75 [14]
Catania Italiya 2011-yil 9-iyun 2012-yil 5-iyun 40 12 15 13 51 56 −5 030,00 [15]
Fiorentina Italiya 2012-yil 11-iyun 2015-yil 8-iyun 153 81 32 40 258 167 +91 052,94 [16]
Sampdoria Italiya 2015-yil 15-noyabr 2016-yil 28-iyun 27 6 6 15 29 46 −17 022,22 [17]
Milan Italiya 2016-yil 28-iyun 2017-yil 27-noyabr 64 33 13 18 107 74 +33 051,56 [18]
Sevilla Ispaniya 2017-yil 28-dekabr 2018-yil 28-aprel 28 11 7 10 37 44 −7 039,29 [19]
Fiorentina Italiya 2019-yil 10-aprel 2019-yil 21-dekabr 27 6 7 14 28 37 −9 022,22 [16]
Adana Demirspor Turkiya 2021-yil 1-sentyabr 2023-yil 12-iyun 76 38 17 21 154 103 +51 050,00
Turkey Turkiya 2023-yil 21-sentyabr Hozirgacha 25 13 4 8 39 37 +2 052,00
Jami 456 207 105 144 721 583 +138 045,39

Manbalar

[tahrir | manbasini tahrirlash]
  1. ↑ „Comunicato Ufficiale N. 37“ [Official Press Release No. 37]. Lega Serie A (2019-yil 17-sentyabr). 2021-yil 15-yanvarda asl nusxadan arxivlangan. Qaraldi: 2020-yil 6-dekabr.
  2. ↑ 2007/08 profile La Gazzetta dello Sport (in Italian)
  3. ↑ „European football's best nicknames“. UEFA (2014-yil 27-yanvar). 2014-yil 29-yanvarda asl nusxadan arxivlangan. Qaraldi: 2017-yil 18-iyun.
  4. ↑ Dimitri Canello.. „Montella comes to the fore“. BBC Sport (2002-yil 15-aprel). Qaraldi: 2017-yil 18-fevral.
  5. ↑ „Player Profile“. BBC (2000-yil 15-iyun). Qaraldi: 2012-yil 27-iyun.
  6. ↑ „Vincenzo Montella“. UEFA. Qaraldi: 2017-yil 22-fevral.
  7. ↑ „Montella, il ritorno“ (it). Eurosport (2007-yil 16-iyul). Qaraldi: 2017-yil 22-fevral.
  8. ↑ Mark Thompson. „Vincenzo Montella Profile“. ESPN FC (2000-yil 13-iyul). Qaraldi: 2017-yil 22-fevral.
  9. ↑ „Hall of Fame 2014: Ghiggia, Ancelotti, Voeller and Candela inducted“. AS Roma. 2015-yil 19-fevralda asl nusxadan arxivlangan. Qaraldi: 2015-yil 10-fevral.
  10. ↑ „Montella, Vincenzo“ (it). www.tuttocalciatori.net. Qaraldi: 2018-yil 3-oktyabr.
  11. ↑ „Vincenzo Montella“. National Football Teams. Benjamin Strack-Zimmermann. Qaraldi: 2018-yil 3-oktyabr.
  12. ↑ „Vincenzo Montella » Club matches“ (2024-yil 5-iyul).
  13. ↑ 13,0 13,1 „Nazionale in cifre: Montella, Vincenzo“ (it). figc.it. FIGC. 2015-yil 20-mayda asl nusxadan arxivlangan. Qaraldi: 2015-yil 22-aprel.
  14. ↑ „AS Roma: Matches“. Soccerway. Perform Group. Qaraldi: 2019-yil 13-aprel.
  15. ↑ „Calcio Catania: Matches“. Soccerway. Perform Group. Qaraldi: 2019-yil 13-aprel.
  16. ↑ 16,0 16,1 „ACF Fiorentina: Matches“. Soccerway. Perform Group. Qaraldi: 2019-yil 13-aprel.
  17. ↑ „UC Sampdoria: Matches“. Soccerway. Perform Group. Qaraldi: 2019-yil 13-aprel.
  18. ↑ „AC Milan: Matches“. Soccerway. Perform Group. Qaraldi: 2019-yil 13-aprel.
  19. ↑ „Montella: Vincenzo Montella: Matches 2017–18“. BDFutbol. Qaraldi: 2019-yil 13-aprel.

Havolalar

[tahrir | manbasini tahrirlash]
 Vikiomborda Vincenzo Montella
haqida turkum mavjud 
"https://uz.wikipedia.org/w/index.php?title=Vincenzo_Montella&oldid=5615065" dan olindi