Vikipediya:Viki filmni sevadi 2026
| ASOSIY | QOIDALAR | ISHTIROK ETISH | MAQOLALAR | NATIJA |
„Viki filmni sevadi“ oylik loyihasiga xush kelibsiz!
Viki filmni sevadi — bu kinematografiya, kino olami hamda turli sohalarda faoliyat yuritadigan kinoijodkorlarga bag‘ishlangan Markaziy Yevropa tanlovi. Loyihaning maqsadi filmlar, kino madaniyati, tarixi va amaliyotiga oid mavjud maqolalarni boyitish hamda yangilash, yangi maqolalar yaratish, shuningdek, mavzuga doir foto va videomateriallarni yuklashdan iborat. Ilk bor 2024-yilda Chexiyada boshlangan ushbu tashabbus bugungi kunda Markaziy va Sharqiy Yevropa mintaqasi bo‘ylab, jumladan, Polsha, Slovakiya, Xorvatiya, Ruminiya, Shimoliy Makedoniya va Armaniston kabi mamlakatlarni qamrab olgan. Tanlovning 2026-yilgi mavsumi 1-iyuldan 30-sentabrgacha bo‘lib o‘tadi.
Oʻzbekcha Vikipediyada esa 1-avgust sanasidan 30-sentyabr sanasiga qadar davom etadi. Tanlovda Vikipediyada roʻyxatdan oʻtgan har qanday ishtirokchi qatnashishi mumkin. Gʻoliblar tashkilotchilar tomonidan maxsus vaucherlar bilan taqdirlanadi.
Tashkilotchilar
[manbasini tahrirlash]- Tanlovning bosh tashkilotchisi Vikimedia Chexiya Respublikasi bo‘lib, Wikimedia CEE Hub va Vikimedia Polsha hamkorligida amalga oshiriladi.
- Oʻzbekcha Vikipediyadagi loyihaning mazkur qismi Markaziy Osiyo yoshlar hamjamiyati tomonidan tashkil etilmoqda.
- Tanlov qamrovi Markaziy va Sharqiy Yevropa hamda Markaziy Osiyo mintaqasini o‘z ichiga oladi. Unda quyidagi mamlakatlardan ishtirokchilar qatnashish huquqiga ega: Albaniya, Armaniston, Ozarbayjon, Belarus, Bolgariya, Xorvatiya, Kipr, Chexiya, Estoniya, Gruziya, Gretsiya, Vengriya, Qozog‘iston, Kosovo, Latviya, Litva, Malta, Moldova, Chernogoriya, Shimoliy Makedoniya, Polsha, Ruminiya, Serbiya, Slovakiya, Sloveniya, Tojikiston, Turkiya, O‘zbekiston va Ukraina.
- Ishtirokchilar mazkur tanlov va musobaqada #wikifilm xeshtegi orqali qatnashadilar. Qatnashuvchilar ro‘yxati va ular taqdim etgan materiallar (maqolalar/fayllar) xeshteg vositasi hamda Wikinside (Chexiya statistika vositasi) yordamida nazorat qilib boriladi.
Mahalliy hakamlar
[manbasini tahrirlash]Sovrinlar
[manbasini tahrirlash]- Ishtirokchilar vaucher tizimi orqali pul ko‘rinishida bo‘lmagan (moddiy) mukofotlar bilan taqdirlanadilar. Bunda dastlabki 3 nafar foydalanuvchi tanlanadi.
- Har bir mamlakat mahalliy hamkorlari bilan kelishilgan holda yoki ichki mezonlarga asoslanib maxsus mukofot taklif qilishi mumkin.
- Maxsus hakamlar hayʼati WikiRank vositasi yordamida eng yaxshi 5 ta global sahifani taqdirlaydi (bunda faqat yangi yaratilgan maqolalar hisobga olinadi).
- Mahalliy darajada fotosuratlar tanlovlari tashkil etilishi va shunga muvofiq taqdirlanishi mumkin.
- Mahalliy tashkilotchilar o‘z qoidalariga binoan, saralangan maqolalar uchun milliy miqyosdagi maxsus tanlov yoki mukofotlarni joriy etish huquqiga egadir.
Yana qarang
[manbasini tahrirlash]Loyiha haqida toʻliqroq maʼlumot olish uchun Viki Filmni Sevadi xalqaro loyihasining meta sahifasi bilan tanishib chiqing.